Грэм Поттер ўтган якшанба куни истеъфога чиқарилган эди. Инглиз мутахассиси Лондонда етти ой бош мураббийлик қилди ва ўта оғир даврларни бошдан кечирди. Кўплаб таҳлилчилар Поттер ўрнини "Бавария"дан ҳайдалган Юлиан Нагельсманн билан тўлдирилади деб тахмин қилган эди. Айрим янгиликлар эса энг асосий вариант сифатида Луис Энрикени тақдим этди. Шунга қарамай, кутилмаганда, номзодлар ичида "Челси" афсонаси Жон Терри пайдо бўлди. Қуйида, агарда у жамоа бошига келадиган бўлса, асосий таркиб қандай ўзгаришини тахмин қилиб кўрамиз.
Дарвозабон борасида Кепа Аррисабалага асосий постни эгаллаб турибди. Шунга қарамай, иккинчи вариант ҳам жуда кучли. Эдуар Менди икки йил олдин жамоа билан ЕЧЛда ғалаба қозонганди. Шу сабабли, Терри унга яна бир имкон тақдим этиши мумкин. Шунингдек, яна бир вариант бор – "Астон Вилла"дан аргентиналик Эми Мартинесни олиб келиш.
Ҳимоя қуйидагича кўриниш олади. Рис Жеймс ҳақида ҳамма бир хил фикрда: у жамоанинг бугуни ва эртаси. Марказий ҳимояда Веслей Фофана ҳаракат қилади. Яна бир мудофаа ўрни Бенуа Бадиашилега тақдим этилиши мумкин. Аммо собиқ афсона, Жон Терри "Астон Вилла"дан Эзри Консани таклиф қилиши ҳам эҳтимолдан ҳоли эмас. Чап қанот Бен Чилвеллга берилиши керак эди. Аммо у ёзда молиявий муаммолар сабабли сотилиши айтилган. Шундай экан, чап қанотда Марк Кукурелья қолади.
Ярим ҳимояда Терри, шубҳасиз, Маунтни олиб қолиш йўлини тутади. Уларнинг ҳар иккиси "Челси" академиясидан чиққан ва ЕЧЛ ғолиблигини қўлга киритган. Маунтнинг 12 ойлик шартнома вақти қолган ва у учун "МЮ" ва "Ливерпуль" даъвогар бўлиб турибди. Шундай бир пайтда, Терри Маунтга янги битим таклиф этса керак. Маунтга ярим ҳимояда Деклан Райс шерик бўлиши мумкин. У 14 ёшигача "Челси" академиясида эди. Энцо Фернандес 106 миллионга сотиб олинган эди ва у билан ярим ҳимоя чизиғи тўлдирилади. Шунингдек, ярим ҳимоядаги бошқа вариантлар орасида Конор Галлахер ва Жон МакГинн ҳам мавжуд.
Ҳужум чизиғида "аристократлар"да "серобчилик" бўлиб ётибди. Жон Терри эса улардан энг яхшиларини танлаб олиши керак. Бизнингча, Терри жамоасининг ҳужуми қанотларда Стерлинг ва Нони Мадуэке, марказда эса "Астон Вилла" футболчиси Олии Уоткинсдан ташкил топади. Қолаверса, иккинчи танлов ўйинчилари сифатида Пьер-Эмерик Обамеянг ва Михаил Мудрик ҳам мавжуд. Хусусан, Обамеянг марказга ўтса, Мудрикка ўз трансфер пулини оқлаш учун қанотдан жой бўшатилади. Ваниҳоят, Террида Ромелу Лукакудан фойдаланиш танлови бўлади. Бельгиялик 2021 йилда "Интер"дан 97 миллион фунтга харид қилинган эди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
