"Челси" мураббийи сифатида, Фрэнк Лэмпард қайтадан жамоага таклиф этилди. У жамоадаги биринчи даврида муваффақиятсизликка учраганди. Ўша пайтларда "Челси"га трансфер қилиш борасида тақиқ тушган ва бу жамоани кучайтиришда муаммоларга сабаб бўлаётганди. Шу сабабли Лэмпард камчиликларни клуб академияси футболчилар билан тўлдиришга киришади. Қуйида унинг аввалги даврида катта футболга олиб кирилган ўйинчилар ҳақида сўз боради.
Мейсон Маунт
Фржнк Лэмпард "Дерби Каунти"ни бошқарган пайтида Маунт ўша жамоага ижарага берилганди. Инглиз футболчиси 2018-19 йилги мавсумда 11 та гол ва 6 та ассистга муаллифлик қилади. "Челси"даги тақиқ натижасида асосий жамоага Маунт ҳам киради. Унинг дебют мавсуми ажойиб кечди. Лэмпард жамоаси 2019-20 йилги мавсумни, нисбатан яхши ўтказади. Маунт Томас Тухель даврида ҳам муҳим фигура сифатида кўриниш берганди. 24 ёшли ярим ҳимоячи ўтган мавсумда АПЛда 20 та гол урган энг ёш футболчига айланди.
Билли Гилмор
"Рейнжерс"дан 2017 йилда 16 ёшли Гилмор харид қилинган. Ўшанда у академияда тарбиялана бошлайди. Шотландиялик ярим ҳимоячи 2019 йилнинг август ойида "Челси"да дебют қилади. Гилмор, кўп ўтмай, Англия кубогидаги ўйинлари билан ҳаммани эътиборини ўзига торта бошлайди. Уни ҳатто Рой Кин ҳам мақтаганди. Гилмор Евро-2020да ажойиб ўйин кўрсатган ёш футболчилар қаторида жой олади. Шунга қарамай, у 2022 йилнинг ёзида "Брайтон"га 7.5 миллион фунт эвазига сотиб юборилади.
Рис Жеймс
"Уиган"да ижарада ўйнаб юрган пайтлариёқ, Жеймс ўзини яхши томондан намойиш этади. У 2019 йилда Чемпионшипнинг энг яхши футболчиси деб топилганди. Тез орада Жеймс "Челси"га қайтиб, Лэмпард жамоасидан жой олади. Ўзининг илк тўлиқ мавсумида, ҳимоячи 37 баҳсда майдонга тушади. Жеймс "Челси"нинг ЕЧЛда гол урган энг ёш футболчисига айланганди. Лэмпарддан кейин Тухель ҳам уни асосий таркибда ўйнатади.
Марк Гехи
Гехи Лэмпард томонидан "Челси"нинг лига кубоги мусобақасидаги ўйинида майдонга ташланади. Аммо жамоа мағлубиятга учрайди. Гехи орада 18 ойни "Суонси Сити" сафида ўтказган эди. "Кристал Пэлас" 2021 йилнинг ёзида Гехини 18 миллион фунтга сотиб олади. Ҳимоячи айни дамда Англия терма жамоаси таркибига чақирилган.
Йен Матсен
Гехи каби Матсен ҳам ўз дебютини лига кубогининг "Гримсби Таун" клубига қарши ўтказади. Аммо ўша баҳс Матсен учун биринчиси ва сўнгиси бўлганди. Кейинги манзиллар голландиялик ҳимоячи учун "Чарлтон Атлетик" ва "Ковентри Сити" бўлди. Айни дамда 21 ёшли футболчи Компанининг чемпионликка яқин турган "Бёрнли"сида ҳаракат қилмоқда. У ёзда яна "Челси"га қайтади.
Тино Анжорин
Анжорин Лэмпард истаги билан "Челси"нинг асосий таркибида, аввал АПЛ, кейин эса Англия кубоги ва ЕЧЛда иштирок этади. Томас Тухель келгач, ёш футболчи Москванинг "Локоматив" клубига ижарага бериб юборилади. Анжорин ўтган йили "Саутгемптон"га йўл олиши мумкин эди. Аммо унинг жароҳати бунга йўл қўймади. Айни дамда ёш ярим ҳимоячи "Хаддерсфилд" сафида ижара асосида ҳаракат қилмоқда.
Тариқ Лэмпти
Лэмпти 2019 йилнинг декабрь ойида "Арсенал"га қарши баҳсда майдонга илк бор туширилади. "Челси" ўшанда 2-1 ҳисобида ғалаба қозонганди. Шундан кейин, 2020 йилнинг январида ҳимоячи "Брайтон"га 4.5 миллион фунт эвазига сотиб юборилади. 22 ёшли футболчи ҳозир Роберто Де Зербининг энг ишонган вакилларидан биридир.
Армандо Броя
Броя 2020 йилнинг марта ойида "Эвертон"га қарши 4-0 ҳисобидаги ғалабали баҳсда майдонга тушади. Ҳужумчи ҳозирда "Челси" асосий футболчилари сафида ҳаракат қилмоқда. "Саутгемптон"да, ўтган мавсум давомида Броя ажойиб ўйин намойиш этганди. Албания терма жамоаси аъзоси декабрь ойида олган жароҳати сабабли жорий мавсумни ўтказиб юборадиган бўлди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
