Лондонда бўлиб ўтган Паралимпия ўйинларида кумуш медални қўлга киритган Шариф Халилов "Ласетти" автомобили, 75 минг доллар мукофот ва квартира билан тақдирланди. Бу ҳақда www.gazeta.uz сайти хабар тарқатди. Шунингдек, Паралимпиада кучли саккизликка кирган спортчиларга 5000 доллардан мукофот пули берилган.
Ўзбекистон Республикаси маданият ва спорт ишлари вазирлиги ва Миллий олимпия қўмитаси бугун Тошкент шаҳридаги Олимпия шон-шуҳрат музейида Паралимпиада иштирокчиларини тақдирлаш маросимини ўтказишди. Маросимда олимпия ўйинлари иштирокчилари ҳам қатнашишди.
Ўзбекистон олимпия делегацияси ва мураббийларни бош вазир ўринбосари Улуғбек Рўзиқулов, Ўзбекистон паралимпия ассоциацияси президенти Алишер Шарофиддинов, Маданият ва спорт ишлари вазирининг биринчи ўринбосари Жасур Акрамов ва миллий олимпия қўмитаси президенти Малик Бобоев қутлашди. Сўзга чиққанлар атлетларимизнинг ғолиблик учун ҳаракатлари ҳукуматимиз томонидан муносиб тақдирланганини таъкидлашди.
Аввалроқ 3 карра олимпиада чемпиони Артур Таймазовга 150 минг доллар ва "Малибу" автомашинаси тақдим қилинганди. Энди эса унга Тошкент шаҳрининг Навоий кўчасидан 5 хонали квартира топширилди. Шунингдек, бугунги маросимда Ришод Собиров ва Аббос Атоевга 3 хонали квартираларнинг ҳужжатлари тақдим этилди.
Паралимпиаданинг дзюдо йўналиши бўйича Шариф Халилов 2-ўринни эгаллаб, делегациямизга дастлабки медални тақдим этганидан хабарингиз бор. Бугунги маросимда унга "Ласетти" автомашинаси, 75 минг доллар пул мукофоти ва ўзи яшайдиган Бухоро шаҳридан 3 хонали уй ҳужжатлари берилди.
Беш минг АҚШ доллари билан қуйидаги спортчилар тақдирланишди (олимпия ўйинларида кучли саккизлик кирган): Жасурбек Латипов, Фазлиддин Ғоибназаров, Элшод Расулов, Ўктамжон Раҳмонов (барчаси — бокс), Сергей Лагутин (велоспорт), Қурбон Қурбонов, Ихтиёр Наврўзов (иккиси — эркин кураш), Вадим Меньков (каноэ), Рамзиддин Саидов, Дилшод Чориев (дзюдо), Светлана Радзивил, Ҳусниддин Норбеков (енгил атлетика), Наталья Маматова (таэквондо), Руслан Нуриддинов, Иван Ефремов (оғир атлетика), Кирилл Панков (сузиш).
Шунингдек, яна бир гуруҳ спортчилар ва уларнинг мураббийларига ҳам пул мукофотлари топширилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
