Криштиану Роналду "Ан-Наср"га ўтганидан сўнг саудияликлар яна бир нечта футбол юлдузларини олиб келишни исташмоқди. Аммо ҳозирча Яқин Шарқ мамлакати топ-футболчилар билан шартнома имзолашда қийналмоқда. Улар даҳсжатли шартномаларга қарамай, Осиёга боришни исташмаяпти. Бугун Саудияга боришдан бош тортган 5 футболчи ҳақида гаплашамиз.
Лионель Месси, “ПСЖ” → “Ал-Ҳилол”
Саудия клуби “ПСЖ” ҳужумчисига йилига 400 миллион евро маош оладиган шартнома таклиф қилган, бироқ Месси рад жавобини берган. Журналист Ҳерман Гарсия Грованинг ижтимоий тармоқларда ёзишича, аргентиналик футболчи кейинги мавсумда Саудия Арабистони чемпионатида ўйнамайди. Лионель Европада қолишни кутмоқда: унинг “Барселона”га қайтиши ёки “ПСЖ” билан янги шартномаси ҳақида гап кетяпти. Diario Sport хабарига кўра, “кўк-анорранглилар” ҳужумчига бир йиллик шартнома таклиф қилади. Афсонавий футболчининг "Барселона"га қайтишини бош мураббий Хави қўллаб-қувватламоқда.
Серхио Рамос, “ПСЖ” → “Ан-Наср” ва “Ал-Ҳилол”
Испаниялик футболчи “ПСЖ” билан шартномасини узайтирмоқчи, деб ёзади L'Equipe. Рамоснинг бу қарори Саудия Арабистонида эмас, балки Европада фаолиятини давом эттиришни кутаётгани билан боғлиқ. Ҳимоячига “Ан-Наср” ва “Ал-Ҳилол” клубларидан қизиқишлар бор. Иккинчиси, француз нашри маълумотларига кўра, Серхиога йилига 50 миллион еврогача маош билан шартнома таклиф қилади (30 миллион евро бошланғич таклиф). Ҳозир ҳимоячи “ПСЖ”да солиқлар билан йилига 10 миллион евро маош олади. Шу билан бирга, парижликлар янги келишув бўйича музокаралар чоғида маошларни камайтиришга ҳаракат қилишади.
Лука Модрич, “Реал Мадрид” → “Ан-Наср”
Хорватиялик ярим ҳимоячи январ ойида “Ан-Наср”ни рад этганди. Модрич, Хорватия матбуотига кўра, фаолиятини "Реал"да якунламоқчи. Манбага кўра, Лука йилига 40 миллион евродан ортиқ маош таклиф қилинганига қарамай, араб жамоасига ўтишдан бош тортган. Қайд этилишича, ярим ҳимоячи “Реал” билан шартномасини бир йилга узайтириб, кейин фаолиятини якунламоқчи.
Серхио Бускетс, “Барселона” → “Ан-Наср”
“Ан-Наср” Бускетсни олмоқчи эди, бироқ футболчи бунга рози бўлмади. Daily Mail хабарига кўра, испаниялик футболчига йилига 20 миллион евро маош оладиган шартнома таклиф қилинган. Шу билан бирга, Серхио ҳали "Барселона" билан янги шартнома имзолагани йўқ. Бу эса унинг Саудия Арабистони чемпионатига ўтиш варианти ҳали ҳам мумкинлигини англатади. Mundo Deportivo нашрининг хабар беришича, Бускетс Яқин Шарқдан янги таклиф олишни кутмоқда. Афтидан, испаниялик футболчи йилига 20 миллион евродан кўпроқ маош олмоқчи.
Карим Бензема, “Реал Мадрид” → номаълум клуб
"Реал Мадрид" ҳужумчиси Саудия Арабистони таклифини жиддий кўриб чиқди, бироқ кўп миллион долларлик шартнома Бенземани васвасага солмади, у энди "Реал Мадрид"да яна камида бир мавсум қолишга қарор қилди. Marca хабарига кўра, мадридликлар Саудия Арабистони билан алоқаларини узмаган французга янги шартнома таклиф қилади. У ерда унинг номи билан аталган футбол академияси очилади ва “Реал” ҳужумчиси бу лойиҳага ҳар томонлама ёрдам беради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
