Рой Ҳожсон: «Англия терма жамоаси тўпни назорат қилишни яхши ўзлаштириши керак»
Англия терма жамоаси бош мураббийи Рой Ҳожсон терма жамоа қайси жиҳатдан ўйинини ўстириш мумкинлиги ҳақида ўз фикрлари билан ўртоқлашди.
«Англия терма жамоаси тўпни назорат қилишни яхшилаб ўзлаштирмоғи керак. Шунингдек, биз муҳим учрашувларда ўзимизни яхши томонларимизни кўрсата олишимиз, рақибга кучли босим ўтказишимиз керак бўлади. Ҳимояда вақтни ўтказиш ва қарши қарши ҳужумда омадни излашдан кўра, шу усулни қўллаганимиз маъқулроқ».
«Евро-2012 чорак финалида Италияга қарши ўйинда ҳимояга ётиб олишни режа қилмагандик. Аммо чарчаб қолганимиз бунга сабаб бўлган бўлиши мумкин. Ёдингиздан чиқарманг, биз ўша мусобақада бир қатор етакчи яримҳимоячиларсиз иштирок этдик. Захира ўриндиғига ҳам тажрибали футболчилар етишмади».
«Мухлисларимиз хотиржам бўлиўҳшлари мумкин — биз ўйинимизни турли жиҳатларини кучайтириш борасида ишлаяпмиз. Шубҳасиз, натижаларни қўлга киритиш учун асосий фактор ўйинни ўқий олиш ва паслар билан шеригини қўллаб-қувватлашдан иборат», дея Ҳожсоннинг сўзларидан иқтибос келтириб ўтди Англия футбол ассоциацияси расмий сайти.
Манба: www.sports.ru
Киритилди: 13:31, 26.09.2012. Ўқилди: 3658 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар