Массимилиано Аллегри "Ювентус"дан 10 очко маҳрум қилинганидан норозилигини билдирди.
Очколар олиб ташланганлиги ҳақидаги маълумотлардан сўнг, Турин жамоаси А Сериянинг 36-турида "Эмполи"дан мағлуб бўлди (4:1).
“Биз узр излай олмаймиз, биз “Ювентус”миз, биз ғалаба қозонишга ёки ҳеч бўлмаганда ғалаба учун курашишга ўрганиб қолганмиз. Табиийки, ўйин бошланишига 10 дақиқа қолганида ҳукм чиқарилгани ғалати. Аммо бу бизнинг психологик таназзулимизни оқламайди. Энди биз фақат сукут сақлашимиз ва мағлубиятни қабул қилишимиз мумкин. Учрашувдан олдин 69 очкомиз бор эди, иккинчи ўринда эдик, бу ҳаммага тушунарли бўлиши керак.
10 очко олиб ташланганидан кейин ҳам бугунги ғалаба бизга "Милан" билан Чемпионлар лигаси йўлланмаси учун курашиш имкониятини берар эди. Афсуски, ҳаммаси бошқача бўлиб чиқди.
Йигитларни айблай олмайман, ишонтириб айтаманки, вазият осон эмас. Кейинги кунлар ҳам қийин бўлади, чунки биз Европа лигасидан чиқиб кетгандик, кейин 10 очкосиз қолдик, бунгача эса биздан уч ой давомида очколар олиб қўйилган, кейин қайтарилган.
Бу баҳона эмас, лекин бу биз учун ғайритабиий мавсум бўлди, шубҳасиз ва жамоа бу жараёнда 69 очко жамғарган.
Раҳбарият билан ҳамма нарсани муҳокама қилишимиз, қаерда ўйнашимизни, Европа лигасига қўйиб юбориш-қўймасликларини тушунишимиз керак.
Барча мусобақаларни тарк этганингизда, битта режа тузишингиз керак. “Ювентус” кейинги мавсумда дарҳол ғалаба қозона бошлайди, деб айта олмаймиз, лекин асосийси оғир паллада ҳамжиҳат бўлиш.
Айни дамда "Ювентус"ни тарк этишим қўрқоқлик бўлар эди. Кечқурун ҳафсалам пир бўлди, бизда имконият бор эди, лекин мен жамоани ҳеч нарсада айблай олмайман, чунки вазият доимо ўзгариб туради.
Бир нарсани таъкидламоқчиман. "Ювентус" турнир жадвалида иккинчи ўринда, биз майдонда бунга лойиқмиз. Биз ҳар қандай натижани қабул қиламиз, лекин умид қиламанки, ҳаммаси бир марта ва бутунлай ҳал бўлади. Доимий равишда янги маълумот олиш ўрнига, улар "Ювентус" билан нима қилишни хоҳлашларини ҳал қилишсин, бизга айтинг ва масалани ёпинг. Ҳозир содир бўлаётган ишлар ўз ишини қилаётганларга, футболчилар ва мураббийларга ҳурматсизликдир. Қарор қандай бўлиши кераклигини айтмаяпман, фақат бир марта ва бутунлай қарор қилишингизни сўрайман. Етар!", - деди “Ювентус” бош мураббийи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
