Премьер-лигада сўнгги ҳал қилувчи турда кўп нарсага ойдинлик киритилади. Улар қаторида Чемпионлар лигасига чиқадиган жамоа номи ва юқори дивизионни ким тарк этишини билиб олиш мумкин. Келинг, ҳозирда сўнгги тур олдидан бизга нима маълум ва якунда нималар кутайитгани ҳақида гаплашамиз.
Бизга нималар маълум:
“Манчестер Сити” – чемпион;
Чемпионлар лигасида “Манчестер Сити”, “Арсенал” ва “Ньюкасл” ўйнайди;
"Ливерпуль" ва "Брайтон" Европа лигасини нақд қилган;
“Саутгемптон” чемпионшипга тушиб кетди.
Биринчи рақамли интрига: кучли тўртликка кимлар киради?
Икки номзод: “Манчестер Юнайтед” ва “Ливерпуль”. Манкунианликлар олдида қийин вазифа тургани йўқ. Агар Эрик тен Хаг жамоаси камида битта очко тўпласа, кучли тўртликдан жойни сақлаб қолади. "Манчестер Юнайтед"нинг иккита ўйини бор ("Челси", "Фулхэм") ва иккаласи ҳам "Олд Траффорд"да ўтказилади. Агар шундай вазиятда жамоа 4-ўринни қўлдан бой берса, бу катта фожеа бўлади. "Ливерпуль" "Саутгемптон"ни мағлуб этиши ва "Манчестер Юнайтед"нинг иккита ўз уйидаги мағлубиятига ишониши керак. Шу тақдирда Клопп жамоаси ЕЧЛга йўлланма олади.
Иккинчи рақамли интрига: Европа мусобақаларида Англиядан яна ким ўйнайди?
“Ливерпул”нинг Европа лигасида иштирок этиш эҳтимоли катта. Чемпионлар лигаси учун имкониятлар бор, лекин улар минимал. "Брайтон" Европа лигасида ўйнайди. “Астон Вилла”да ҳам бунга назарий имкониятлар бор эди, бироқ Роберто Де Зерби шогирдлари “Манчестер Сити” билан 1:1 ҳисобидаги дурангдан сўнг буни йўққа чиқарди.
Учта клуб еттинчи ўринга даъвогарлик қилмоқда. Ҳозир ҳаммаси “Астон Вилла”нинг қўлида. Агар у "Брайтон"ни мағлуб этса, у Европа мусобақаларида иштирок этиши кафолатланади. “Тоттенхэм” “Вилла”дан бир очко, “Брентфорд” эса икки очко ортда қолмоқда.
Лондонликларнинг "Лидс" билан меҳмонда ўйини бор ва у лигада қолиш учун курашмоқда. "Брентфорд" Премьер-лигадаги барча муаммоларни ҳал қилиб бўлган "Сити" билан учрашади. Даъвогарлар учлиги ичида энг яхши тўп фарқига айнан “Брентфорд” эга.
Учинчи рақамли интрига: "Саутгемптон" билан чемпионшипга кимлар йўл олади?
Учта клуб қуйи лигага тушиб кетмасликка ҳаракат қилади, бироқ фақат биттаси омон қолади. "Эвертон"(33)нинг очколари "Лестер" (31) ва "Лидс" (31)дан кўпроқ. Ливерпуль клуби ўз майдонида "Борнмут" билан сўнгги учрашувни ўтказади. “Лестер” ўз майдонида “Вест Хэм”га, “Лидс” эса “Тоттенхэм”га қарши баҳс олиб боради. Статистик факт: “Эвертон” АПЛ доирасида ўз майдонида “Борнмут”ни тўрт марта мағлуб этган. Бироқ сўнгги ўйин меҳмонларнинг ғалабаси билан якунланган – 1:3.
Ҳаммаси жуда оддий “Эвертон” ғалаба қозонса, АПЛда қолади. “Лестер” ва “Лидс” чемпионшипга равона бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
