УЕФА президенти Мишель Платини 11 октябрь куни Тожикистондаги ташрифини якунлади. У икки кунлик ташриф давомида Тожикистон президенти Эмомали Раҳмон, Тожикистон Футбол Федерацияси президенти Рустами Эмомали билан учрашди. Бундан ташқари, Душанбедаги марказий стадионни ҳам кўришга борди. Ташриф сўнггида у матбуот анжуманида қатнашди. Бу матбуот анжумани маҳаллий ва хорижий журналистлар орасида катта қизиқишга сабаб бўлди. 11 октябрь куни Душанбедаги "Хаят Реженси Душанбе" меҳмонхонасининг матбуот анжуманлари ўтказиш зали белгиланган вақтдан бир соат олдин лиқ тўлди. Соат 10-25да журналистлар қарсаклар билан Платинини кутиб олишди.
"Бонжур! Мен сизларни юртингизга ташриф буюрганимдан жуда хурсандман" - дея ўз нутқини бошлади УЕФА президенти.
"Мен кеча Тожикистон президенти Эмомали Раҳмон билан учрашдим. Бу ерда бизни жуда илиқ кутиб олишди. Мен Тожикистонга биринчи марта келдим. Мени бу ерга ТФФ таклиф этди. Биз қайси масалада Тожикистонга ёрдам беришни аниқ қилиб олмоқчи эдик. Биз Тожикистондаги мутахассислар билан тажриба алмашишга тайёрмиз. Биз ўз тажрибамиздан келиб чиққан ҳолда Тожикистонга барча соҳаларда, болалар футболидан то ҳакамларни тайёрлашгача ёрдам беришга тайёрмиз"
Унинг сўзларига қараганда яқин ойларда ФФТ ва УЕФА ўртасида ўзаро ҳамкорлик бўйича музокаралар бошланади. Лекин Платини УЕФА Тожикистонда стадион қурмаслигини маълум қилди: "Бу федерация ва мамлакатнинг ўзининг иши".
1992 йилда Тожикистон ОФК сафига қўшилган. Платини ҳозирда Марказий Осиё давлатларида УЕФАга ўтиш имкони йўқлигини айтди. Унинг фикрича, бу нарса сиёсий келишмовчиликларни келтириб чиқаради:
"Марказий Осиё давлатларининг УЕФАна ўтиши конфедерациялар орасида келишмовчиликларни, УЕФА ва ОФК ўртасида катта сиёсий тортишувларни келтириб чиқаради. Бу жуда катта муаммо."
Шунингдек Платини ОФКнинг ҳозирги мусобақаларни ўтказиш системасини танқид қилди:
"ОФКнинг ҳозирги халқаро ўйинларни ўтказиш системаси Тожикистон, Қирғизистонга ўхшаган давлатларни катта термалар билан ўйнаш ҳуқуқидан маҳрум этади. Менимча, бу унчалик тўғри эмас ва футбол ривожланишига тўсқинлик қилади".
Платини Тожикистонда ўз академиясини очмаслигини айтиб ўтди:
"Мен ўз академиямни нафақат Тожикистонда, балки, жаҳоннинг ҳеч бир нуқтасида очмоқчи эмасман. Машҳур клублар бошқа давлатларда ўз академияларини очишларини яхши ғоя деб ҳисобламайман".
Платини яқинда Тожикистонда ёш футболчиларни таълим олиши учун Рустами Эмомалининг академияси очилишини қўшимча қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
