Илкай Гюндоган дунёнинг энг яхши жамоаларидан бирининг топ ярим ҳимоячиси. У "Манчестер Сити" билан сардор, етакчи, нафақат мухлислар, балки Гвардиоланинг ҳам севимли мақомида бешинчи чемпионлик кубогини кўтарди. Мураббий немисни яхши кўради ва уни энг яхши футболчилар қаторига қўяди. Тез орада 32 ёшли футболчи клуб даражасидаги сўнгги мақсадига - Чемпионлар лигасидаги ғалабага эришиши мумкин. Бунгача у иккита финалга чиқди, иккаласи ҳам мағлуб бўлди. Учинчи уриниш - бу ҳикоянинг мантиқй якуни бўлиши мумкин. Ва шундан кейингина амалга оширилмаган мақсадлар ҳақида гапириш мумкин бўлади. У белидаги оғир жароҳат туфайли 2014 йилги жаҳон чемпионатида Германия терма жамоасидаги ғалабани ўтказиб юборди. Умуман олганда, у фаолиятини якунлаши мумкин эди.
Бу 2013 йилнинг август ойида Парагвайга қарши ўртоқлик учрашуви эди. Гюндоган, ўша пайтга қадар аллақачон "Боруссия" етакчиси, яқинда Чемпионлар лигаси финалида ўйнаган ва қалбининг тубида у 2014 йил ёзини кутаётган эди.
Кейинчалик маълум бўлишича, футболчининг умуртқа поғонасида муаммолар бор экан. Аммо немис шифокорлари бир фикрга келмадилар. Кимдир консерватив даволанишни тавсия қилди, бошқалари жарроҳлик амалиётини талаб қилди. Бир неча ой ўтди, аммо вазият ёмонлашди. Футболчининг юриши қийинлашди. Гюндоган бу даврни фаолиятидаги энг ёмон давр деб атайди. Бир лаҳзада у ҳақиқатан ҳам футболни тугатишни ўйлади. Илкай операцияга қарор қилди. У Германияга қайтиб келди ва операция қилинди. 2014 йилнинг кузида эса яна майдонга қайтди.
Жаҳон чемпионатини четлаб ўтди ва шу билан бирга у кейинги йирик турнирга қайтишга ваъда берди. Аммо Евро-2016да янги муаммо юзага келди.
2016 йил май Гюндоган аллақачон “Манчестер Сити” билан трансфер борасида музокаралар олиб бормоқда эди. Европа чемпионати финал қисми бошланишига бир ярим ой вақт қолган. Бироқ Германияда мавсум ҳали якунига етгани йўқ. “Боруссия” ҳеч нарса учун курашмаяпти. 6 май куни эса кутилмаган хабар келди - Гюндоган жароҳат олди, шу сабабли Евро-2016ни ўтказиб юборади.
Кейинчалик, тафсилотлар. Маълум бўлишича, у “Боруссия” билан машғулотлар олдидан бир нечта жамоадошлари билан баскетбол ўйнаган. Ва янги жароҳатга дучор бўлган.
"Табиийки, бу барчамиз учун зарба бўлди. Лекин Илкайнинг ўзига ҳаммадан қийин. У жуда яхши формада, динамик ўйин ва яхши кўриш қобилиятига эга эди. Бу футболчи ўз қобилияти билан биз учун ҳал қилувчи рол ўйнар эди. Бу катта йўқотиш”, деган ўша пайтдаги терма жамоа мураббийи.
Шу боис, Гюндоган Франция ўрнига Англияга “Манчестер Сити” билан шартнома имзолаш учун кетди. Германия параллел равишда ярим финалга чиқди ва у ерда Францияга имкониятни бой берди. Ва у учинчи ўринни эгаллади. Қизиғи, ярим ҳимоячида Европа чемпионатининг бронза медали боре ди. 2012 йилда у турнир учун қайдномагага киритилган, аммо бир дақиқага ҳам майдонга тушмаган эди.
Кейинчалик Илкайнинг олдида ҳали ҳам йирик турнирлар бор эди. Бироқ, барчаси муваффақиятсиз. 2018 йилги жаҳон чемпионатида у фақат бир марта майдонга чиқди ва Германия гуруҳ босқичидан ўта олмади.
Евро-2020да немислар 1/8 финалга чиқди, аммо Англияга мағлуб бўлди. Илкай гуруҳ босқичидаги барча ўйинларда қатнашган, аммо плей-оффда ўйнамаган. 2022 йилги Жаҳон чемпионатида у яна фақат гуруҳ босқичи билан чекланди.
Гюндоган ҳозир 32 ёшда. У терма жамоадаги фаолиятини якунлаганини эълон қилмаган, шунинг учун у ҳали камида битта йирик турнирда иштирок этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
