Томас Тухель янги мавсум учун ЕЧЛни ютишга қодир жамоа тузишга ҳаракат қилмоқда. Бунинг учун ёз давомида катта трансферларни амалга ошириш талаб этилади. Шу кунларда Германия чемпионлари бир нечта инглиз футболчиларига қизиқиш билдирмоқда. Улар ичида Харри Кейн, Мейсон Маунт ва Кайл Уокерлар жамланган. Тухель уларни ўз жамоасида кўришни истамоқда. Хусусан, Кейн ўтган мавсумда жамоани тарк этган Роберт Левандовски ўрнини эгаллаши айтилган. Айнан марказий ҳужумдаги камчиликлар, мюнхенликларнинг "Манчестер Сити"га мағлубиятига асосий сабаб бўлганди.
49 ёшли Тухель икки йил давомида Англияда ишлаганди. Шу сабаб у бозорни яхши билади. Айнан мана шу фактор уни инглиз футболчиларини сотиб олишга ундамоқда. Немис мутахассиси янги мавсумда "Бавария"ни барча совринлар учун курашадиган жамоага айлантириш мақсадида. Албатта, яхшигина сарф-харажатларсиз бунинг имкони бўлмайди.
Бундеслига гиганти "Наполи"дан Ким Мин Жэни харид қилишга яқин турибди. Сал аввал "Боруссия Дортмунд"дан яна бир ҳимоячи Рафаэл Геррейро эркин агент сифатида олиб келинган эди. Бу ҳафтадан "Бавария" ўз эътиборини мутлақо янги нишон, ҳужумчига қаратди.
"Тоттенхэм" ҳужумчиси Харри Кейн учун билдирилган 60 миллион фунт (70 миллион евро)лик таклиф рад этилди. Ҳозир эса Тухель жамоаси иккинчи таклифга тайёргарлик кўрмоқда. Агарда Англия терма жамоаси аъзоси олиб келинса, ҳужум чизиғи даҳшатли кўриниш олади. Харри Кейн, Лерой Сане ва Кингслей Команлар у ердан жой олиши мумкин. Бу трио, ном жиҳатдан исталган клуб мудофаасига даҳшат солади. Албатта, "Бавария"нинг қолган чизиқларида ҳам ўзгариш бўлади. Масалан, ярим ҳимояга Мейсон Маунтни олиб келиш кўзланган. 24 ёшли футболчи 2021 йилда Тухель билан ЕЧЛда зафар қучганди. Унга "Манчестер Юнайтед" жиддий даъвогар саналади. Маунтнинг келиши ярим ҳимояда Жамал Мусиала ва Йошуа Киммих билан ҳамкорликни таъминлайди.
"Бавария" ҳимояси Ким билан тўлдирилгандан кейин, кореялик футболчи Маттейс Де Лигт ва Дайо Упамекано билан ҳаракат қилади. Шунингдек, Геррейро Лукас Эрнандес ўрнини эгалласа, чапдаги Павар ўрнига Кайл Уокер ўрнашади. У "Манчестер Сити"ни тарк этишга яқин турибди. Дарвозага яна Мануэль Нойер қайтади. Унинг ўрнида ҳаракат қилган Янн Зоммерга "Интер" қизиқиш билдиргани ҳақида хабарлар мавжуд.
Янги мавсумда "Бавария" таркиби тахминан шундай кўриниш олади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
