"Интер Майами" жуда ёш клуб ҳисобланади. АҚШнинг энг қуёшли шаҳарларидан бири кўп йиллар давомида ўзининг МЛС вакилига эга эмас эди, аммо 2018 йилда лига Флорида жанубида яқин орада клуб ташкил этилишини эълон қилди. У "Интер" номини олди, пушти ранглар ва "фламинго" лақабини олди (минтақада бундай қушлар кўп).
Жамоанинг МЛСдаги старти 2020 йилда бўлиб ўтган ва ҳозирча у ҳеч нарса юта олмади. Уч мавсумда "Интер" фақат бир марта плей-оффга чиқди, у ерда дарҳол “Ню-Йорк Сити”га ютқазишди ва бу йил МЛСда ишлар ёмон кетмоқда: жамоа 27-ўринда ва Шарқий конференция жадвалида сўнгги ўринда. Чемпионатнинг сўнгги етти ўйинида мағлуб бўлган “қаҳрамонлар” АҚШ очиқ кубогининг ярим финалига қадар етиб борди.Тарихдаги илк кубок учун реал имконият бор. Ярим финал август ойининг охирига, Месси ва бошқа янги юлдузлар Флоридага етиб боришига режалаштирилган.
Клуб эгалари
Клубнинг бошида дунёдаги энг машҳур собиқ футболчи Дэвид Бекхэм турганини ҳамма билади, аммо бу мутлақо тўғри эмас. Англия терма жамоасининг собиқ сардори кўпроқ "Интер"нинг юзи, аммо унинг ягона эгаси эмас. Бекхэм билан биргаликда ака-ука Хорхе ва Хосе Маслар бошчилик қиладилар, улар Майамида ўсган ва МасТеc йирик қурилиш ва муҳандислик фирмасига эга бўлган ишбилармонлардир. Forbes маълумотларига кўра, Хорхе Мас 1,4 миллиард долларга эга.
Стадион
Маями клуби ташкил қилиниши эълон қилинган пайтда, "Интер" учун янги стадион қурилиши бошланди. Ҳамкорлик шартномасига кўра, арена "DRV PNK" номини олди ва 2020 йилда очилди. Унинг максимал сиғими бор-йўғи 18 мингтани ташкил этади ва "Интер" Месси билан шартнома имзолаганидан бир кун ўтиб мавсумнинг қолган барча ўйинлари учун чипталар сотилиб кетганининг сабаби ҳам шудир.
Кўриниб турибдики, бундай стадионда мухлислар гавжум, шу боис "Интер" янги аренага кўчиб ўтишга ҳозирлик кўрмоқда. Ҳа, ҳозирги арена очилганидан бир неча йил ўтгач, улар янгиси қурилиши бошланганини эълон қилди. “Miami Freedom Park” 25 минг томошабинга мўлжалланган ва 2025 йилда очилади.
Жамоа мураббийи
Ҳозир "Интер" МЛСда охиридан учинчи ўринда бормоқда, шунинг учун бир неча кун олдин клубда ўзгаришлар бўлди. 2021 йил бошидан буён жамоани бошқарган Фил Невилл ишдан бўшатилди ва бўш турган лавозимга Херардо Тата Мартино тайинланди. Бу қарор айнан Месси учун: 60 ёшли мутахассис амалдаги жаҳон чемпиони билан ҳам “Барселона”да, ҳам Аргентина терма жамоасида ишлаган.
Тўғри, каталонияликлар билан Мартино фақат Испания Суперкубогини қўлга киритди, терма жамоаси билан эса кетма-кет икки марта Америка кубоги финалида мағлуб бўлди. Аммо 2018 йилда аргентиналик мураббий “Атланта Юнайтед”ни МЛС плей-офф босқичида ғалабага олиб келди. Мартинонинг охирги иш жойи Мексика терма жамоаси бўлиб, у ЖЧ-2022 гуруҳдан чиқа олмади.
Таркиб
Transfermarkt маълумотларига асосланиб, июн ойи ҳолатига кўра, "Интер" атиги 34 миллион евролик умумий таркиб қиймати бўйича лигада 24-ўринни эгаллаб турган эди. Бироқ бу сумма Мессининг тахминий нархини ўз ичига олмайди ва у билан деярли бир хил. Яъни, июл ойидан бошлаб, таркиб ўйинчиларининг умумий нархи икки баробарга ошади ва клуб бир зумда бу кўрсаткич бўйича МЛС етакчилари сафига киради.
Хабарингиз бор, Леодан ташқари “Барселона”нинг яна бир таниқли тарбияланувчиси Серхио Бускетс ҳам “Интер”га ўтмоқда ва уларнинг собиқ жамоадоши Жорди Алба ҳам уларга қўшилиши мумкин.
Ўтган йилга қадар “Интер”да яна бир машҳур аргентиналик ҳужумчи Гонсало Игуаин тўп тепган бўлса, Месси трансфери эълон қилинган вақтда жамоанинг энг машҳур футболчилари венесуэлалик ҳужумчи Жозеф Мартинес, америкалик ҳимоячи Деандре Едлин ва украиналик ҳимоячи Сергей Кривтсовлар эди.
МЛСда Бекхэм қоидаси ёки белгиланган ўйинчи қоидаси мавжудлиги муҳим. Унга кўра, жамоалар маош чегарасидан ташқари кўпи билан уч нафар футболчи билан шартнома имзолаши мумкин ва Месси трансфери вақтида "Интер"да барча ўринлар тўлдирилган эди, шунинг учун клуб бухгалтерия ҳисобини ўзгартиришга мажбур бўлади. AS хабарига кўра, аргентиналик футболчи йилига ахминан 54 миллион доллар олади.
Дебют санаси
Мессининг Америка клуби билан шартномаси июл ойида бошланади. Чемпионат қизғин паллада, ҳар ҳафта ўйинлар ўтказилмоқда, аммо бу юлдуз форвард келаётган дам олиш кунлари МЛСда дебют қилади, дегани эмас. Керакли ҳужжатларни расмийлаштириш учун вақт керак, Месси эса яқинда Осиёда терма жамоаси билан ўйнади, шундан сўнг у машаққатли мавсумдан дам оляпти.
Аргентиналик футболчи учун тахминий ва норасмий дебют санаси - 21 июль. Шу куни МЛС ва Мексика чемпионати клублари иштирок этадиган йиллик Лига кубоги турнири бошланади. Гуруҳ босқичининг биринчи турида “Интер Маями” “Круз Азул”га қарши баҳс олиб боради ва катта эҳтимол билан бу учрашувни бутун сайёра томоша қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
