Тарихда "Арсенал", "Челси", "Ливерпуль" ва "Тоттенхэм" каби клублар вакиллари кутилмаган жароҳатлар сабабли футболни эрта тарк этишган. Бу номларга қараб, агарда жароҳатлар бўлмаганида нималар рўй бериши мумкинлигини тахмин қилиш мумкин. Аммо вақтни ортга қайтариб бўлмайди. Қуйида шундай юлдузлардан айримлари билан танишасиз. Улар ўз истакларига қарши бориб, футболни эрта тарк этган.
Жек Уилшер
Уилшерни ўша тунда олган жиддий ҳароҳати тарк этмади. У 2022 йилнинг ёзида футболдан кетишга мажбур бўлганди. Ярим ҳимоячининг ўзи бу ҳақида шундай деганди: "Очиғи, буни қабул қилиш ўта оғир иш. Менга боғлиқ бўлмаган, назорат қила олмайдиган сабабларга кўра футболдан кетиш инсонни хафа қилади. Қўлимдан ҳали анча нарса келарди. Доимо олдимга катта марралар қўйганман. Бу ҳолатга тушаман деб ўйлаб ҳам кўрмаган эдим. Нима бўлган тақдирда ҳам ортимга қараб, фахрланаман. Футболчи бўлганимдан ҳеч қачон афсусланмайман".
Серхио Агуэро
33 ёшида ажойиб ҳужумчи бизни тарк этганди. Ҳа, Агуэро бу пайтгача асосий ишини қилиб бўлган эди. Аргентиналик "Манчестер Сити" билан тарих ёзади. АПЛнинг энг яхши тўпурарлари қаторида Агуэро доим тилга олинган. Биз уни "Барселона"да ҳам нимадир қилишига умид қилгандик. Аммо юрак билан боғлиқ муаммо сабабли Агуэро ортиқ ўйнай олмаслиги равшанлашди. У бу ҳақида шундай деганди: "Мен ўз фаолиятим билан фахрланаман. Майли, пешонага ёзилганини кўраверамиз. Ҳархолда, бу дард менга кечроқ таъсир қилди. Ҳаётим давомида мени нималар кутаётганини билмайман. Аммо бир нарса аниқки, атрофимда мен севган ва қадрлайдиган инсонлар жамланган. Мен яхши кўрганингиз учун раҳмат".
Жюст Фонтен
Француз ҳужумчиси 1958 йилги "Олтин бутса"га эга чиқади. Фонтен клуб миқёсида 283 та баҳсда майдонга тушиб, 259 та голга муаллифлик қилади. У асосан ўзининг бир мундиалда энг кўп, 13 та урган голи билан эсланади. Ҳужумчи Франция сафида 21 та ўйин ўтказиб, 30 та голга муаллифлик қилганди.
Эмманюэль Пети
"Монако"да тўққиз йил ўйнагандан кейин, Пети АПЛга келади. У 1997 йилда Арсен Венгернинг "Арсенал"ига қўшилади. Пети "Арсенал"дан ташқари "Барселона" ва "Челси" сафида ҳам ҳаракат қилган. Аммо 2004 йилда тиззасидан олган жароҳати сабабли футболдан кетишга мажбур бўлган. Пети 1998 йилда ўйин орқали 17 минг евро ютиб олади ва ютган ҳамма пулини хайрияга бериб юборади.
Жейми Реднапп
Реднапп "Ливерпуль" учун 10 йилдан ортиқ вақт давомида ҳаракат қилган. Аммо унинг даври жароҳатлар билан эсланади. Ярим ҳимоячи 2000 йилдан бошлаб соғлиғида муаммоларга дуч келади. Шу сабабли 2005 йилда нафақага кетади. Нима бўлган тақдирда ҳам Жейми ўзидан мухлислар учун фақатгина яхши хотиралар қолдирган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
