Давид Де Хеа 2011 йилнинг ёзида харид қилинган бир нечта футболчининг бири эди. Сер Алекс Фергюсон жамоаси бу пайтга қадар кечган сўнгги беш мавсумнинг тўрттасида чемпион бўлган эди. Янги мавсумга қаттиқ тайёргарлик бошланади. Негаки, 2011 йилги ЕЧЛ финалида "Барселона"га имконият бой берилганди. Ўша ўйин, шунингдек, афсонавий дарвозабон Эдвин ван дер Сарнинг клубдаги сўнгги баҳси бўлган. Шу сабаб ёзда "Атлетико"дан ёшгина футболчи сотиб олинади. Ўша пайтда "қизил иблислар" 21 ёшли Де Хеа учун "матрасчилар"га 17 миллион фунт тўлаб беради. Бу эса бир дарвозабон учун берилган Англиядаги энг қиммат сумма эди. Ҳаш-паш дегунча, орадан 12 йил ўтиб кетди. Бу орада Де Хеа "Манчестер Юнайтед" сафида 500 дан ортиқ ўйин ўтказиб, рекордчига айланди. Шубҳасизки, у манкунианликлар тарихида абадий эсланадиган номлардан биридир. Хўш, 2011 йилда у билан жамоага яна кимлар олиб келинган эди? Уларнинг тақдири нима кечди? Қуйида бу саволларга жавоб оласиз.
Андерс Линдегор
Ван дер Сарнинг кетиши дарвоза соҳасини мустаҳкамлашни талаб этади. Шу мақсадда Де Хеадан ташқари яна бир захира дарвозабони сотиб олинади. Даниялик Линдегор "МЮ"да ўз ватандоши Питер Шмейхелдек бўлишни орзу қилади. Аммо у янгишган эди. Тез орада маълум бўлдики, у захира учун сотиб олинган. Линдегор тўрт йилдан ортиқ вақт давомида жами 19 та ўйиндагина майдонга туширилади. Шулардан 10 таси 2012-13 йилда, "МЮ" сўнгги бор Англия чемпиони бўлган даврда юз берган. 2015 йилдан Линдегор эркин агент сифатида "қизил иблислар" сафини тарк этиб, "Вест Бром"га кўчиб ўтади. У кейинчалик "Бёрнли" шарафини ҳам ҳимоя қилди. 2019 йилда ўз юртига қайтган футболчи, бир муддат миллий чемпионатида тўп тепди. 2022 йилда Линдегор футбол билан хайрлашган эди.
Фил Жонс
Жонс ёш ҳимоячи сифатида омманинг эътиборига тушади. Шу сабабли 2011 йил ёзида барча рақибларини мағлуб этган ҳолда "МЮ" унга эга чиқади. Фергюсон даврида Фил Жонс асосий таркиб вакилига айланган. Англия терма жамоасининг собиқ аъзоси 2010 йиллар аввалида кучли эди. Аммо жароҳатлар унинг фаолиятига болта урди. Ҳимоячи сўнгги 4 йилда АПЛда 6 тагина ўйинда майдонга тушган эди. У 2023 йилда жамоадан кетди. Жонс "МЮ"даги даври ҳақида шундай дейди: "Мен кўпроқ ўйнайман деб умид қилгандим. Мен менга кўпроқ имконият берилади деб ўйлагандим. Қўлимдан келган ҳамма нарсани қилдим. "Манчестер Юнайтед" шарафини ҳимоя қилганимдан фахрланаман".
Эшли Янг
Янг "Астон Вилла"да АПЛнинг энг яхши вингерларидан бирига айланади. Буни кўрган Фергюсон, уни 2011 йилда 17 миллион фунтга харид қилган. АПЛ чемпионлиги қўлга киритилган пайтда Янг 19 та ўйинда майдонга туширилган. У Луи Ван Гал жамоасида қанот ҳимоячисига айлантирилганди. Инглиз футболчи анча вақт жамоанинг барқарор вакили сифатида ҳаракат қилди. 2019 йилда Эрон Уан-Биссаканинг олиб келиниши, Янгнинг ўйин вақтини камайтиради. Бу эса уни "Интер" сари чорлайди. Янг 2021 йилда Италия чемпионига айланган эди. Ўша йили қаҳрамонимиз АПЛга қайтиб, жонажон клуби бўлмиш "Астон Вилла"да ҳаракат қила бошлади. 2022 йилнинг ёзида Янг бирмингемликлар билан хайрлашди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
