Бир неча ҳафтадан бери "МЮ" ва унинг янги дарвозабон қидираётгани ҳақида миш-мишлар юрган эди. Мана ҳозир ҳаммаси аён бўлдики, "Интер" билан Андре Онана борасида келишувга яқин келинган. Жамоага 12 йил давомида хизмат қилган Давид Де Хеа айни дамда "қизил иблислар" сафини тарк этиб улгурди. Унинг ўрни Онанага топширилиши айтилган. Камерунлик посбон "Интер"да атиги бир мавсум ўйнади. Аммо яна кўчишни амалга оширадиган кўринади. Хўш, "Манчестер Юнайтед" нега айнан Андре Онанани истамоқда?
Онана "МЮ"га нима беради?
Эрик тен Хагнинг Онанага қизиқаётганлигининг асосий сабаби бу футболчининг юқори даражадаги техникасидир. У оёқ билан яхши ўйнай олади. Бу эса тен Хаг жамоасига ўта керакли бўлган хусусиятлардан биридир. Масалан, аниқ узатмалар бўйича Онана Де Хеадан 10.2 фоиз устунликка эга. Қолаверса, Эрик тен Хаг "МЮ"да тўп эгалигига асосланган жамоа қурмоқда. Онананинг келиши эса рақиб босимига чидамлиликни оширади. Негаки, Онана рақиб прессинги пайтида тўпни майдон маркази, ҳатто ҳужумга ҳам аниқ тарзда етказиб бера олади. Камерун терма жамоаси аъзоси "Аякс" ва "Интер" сафида жами 104 та қуруқ ўйин ўтказган. Бу ўртача ҳар 2.5 та ўйинда битта даҳлсиз дарвоза дегани. Онананинг сейв кўрсаткичи 76.4 фоизга тенг. Фаолиятида 255 та ўйинда майдонга тушганини ҳисобга оладиган бўлсак, бу ажойиб натижа ҳисобланади.
Андре Онананинг "МЮ" ўтиш тафсилотлари
"Манчестер Юнайтед"нинг дарвозабон учун таклиф этган 38.5 миллион фунтлик қиймати рад этилганди. Шундан кейин маълум бўлдики, "Интер" талаби ва таклиф ўртасида анчагина катта фарқ мавжуд. Миланликлар 27 ёшли футболчи эвазига камида 50 миллион сўрамоқда. Масалан, "МЮ" ҳам 38.5 миллиондан ташқари 4.3 миллион бонуслар ҳам берилишини айтган. Аммо "Интер" барибир кўнмаган. Шундай экан, 50 миллион фунтга яқин таклифсиз ҳеч нарса ўзгармайди. Дарвозабоннинг ўзи АПЛга кўчишга тайёр эканини билдирган. Онанага "Челси" ҳам қизиқмоқда. Аммо катта эҳтимол билан вазият "МЮ" фойдасига ҳал бўлади.
Андре Онана натижалари
Клуб: "Аякс"
Ўйинлар: 214 та
Ўтказилган голлар: 192 та
Қуруқ ўйинлар: 85 та
Клуб: "Интер"
Ўйинлар: 41 та
Ўтказилган голлар: 36 та
Қуруқ ўйинлар: 19 та.
Жами: 255 та ўйин, 226 та ўтказилган гол, 104 та қуруқ баҳс.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
