"ПСЖ" дарвозабони Серхио Рико бир неча ҳафта ҳаёт учун курашди. Май ойининг охирида испаниялик дам олиш кунларини уйда ўтказди ва отда сайр қилди. Отдан йиқилиб бошини қаттиқ жароҳатлаб олди. Ҳозир дарвозабоннинг аҳволи қандай ва у майдонга қайтадими?
Воқеадан сўнг футболчининг вакиллари тафсилотлар ҳақида гапиришди. “Серхио Рико Франция чемпионлигини қўлга киритгач, клуб рухсати билан Страcтбургдан Малагага ва у ердан Эл Росиога йўл олди. У оиласи ва дўстлари билан бир ярим соатдан сал кўпроқ вақт ўтказди ва кейин бахтсиз ҳодисага учради", деди футболчининг менежери. Вирген дел Росио клиникаси шифокорлари уч ҳафта давомида футболчининг ҳаёти учун курашди. Дарвозабоннинг трахеясига ҳаво йўлларининг ўтказувчанлигини таъминлаш учун эндотракеал трубка ўрнатилган. “ПСЖ” шу вақтгача клиника билан алоқада бўлиб турди.
2 июнь куни Le Parisien Вирген дел Росио касалхонаси билан боғланиб, футболчининг аҳволидан хабар топди: “Серхионинг аҳволи барқарор. Унинг умумий аҳволи оғирлигича қолмоқда. Ҳозир у кўп тармоқли тиббиёт бригадаси назоратида реанимация бўлимида ётибди”. 7 июнь куни Рико яхшиланаётгани ҳақида маълумот пайдо бўлди, аммо вазият ҳали ҳам ёмон эди. 9 июнь куни эса шифокорлар Серхиони яна сунъий кома ҳолатига келтиришди. Бироқ, 19 июнь куни далда берувчи хабар келди. Испаниялик футболчи комадан чиқди. Бу ҳақда унинг рафиқаси Алба Силва маълум қилди: "Хўш, биз ҳали ҳам шу ердамиз, биз олдинга кичик қадамлар ташламоқдамиз”.
Кейин футболчи реанимациядан оддий палатага ўтказилди. Бир ҳафта ўтгач, Силва Рико оиласи билан мулоқот қила бошлаганини айтди: "Вазият яхшиланмоқда. У мулоқот қилади. Серхио бизни исмимиз билан чақиради, бизни мукаммал танийди, яхши хотирага эга. У жароҳат олган пайтни эслайдими? У нормал мулоқот қила олгунча кутишимиз шарт эмасдек. Ҳозир биз Серхиони яхши ва хотиржам ҳис қилишига ҳаракат қиляпмиз”.
Июнь ойининг охирида суд Риконинг йиқилиши билан боғлиқ иш бўйича терговни ёпди. Cadena Ser нашри эълон қилган хулосада қайд этилишича, “воқеа содир бўлган вақтда гувоҳлар бўлмагани боис, воқеа содир бўлган вақтда Серхио Рико отда бўлганини таъкидлаб бўлмайди”. Гувоҳлар фақат оқибатларини кўришган, аммо воқеа қандай содир бўлганлигини бевосита гувоҳи бўлмаган. Ва футболчининг ўзи ҳеч нарсани эслай олмагани учун суд бошқа маълумотларни тўплай олмайди.
Июль ойи бошида Рико ётган клиника янги баёнот эълон қилди: “Рико беш ҳафта давомида шифокор назорати остида бўлган реанимация бўлимидан чиқарилди. У бошқа мутахассислар билан бирга интенсив терапия гуруҳида даволанди. Ҳозиргача у касалхонада қолмоқда. Унга тиббий ёрдам ва зарур ёрдам кўрсатиш давом этади”.
"Атлетик" нашри Риконинг келажаги ҳақида маълумотларни эълон қилди. Уларнинг сўзларига кўра, 29 ёшли испаниялик икки ҳафта ичида шифохонадан чиқарилади, бироқ Серхио клиникада 20 килограммдан ортиқ вазн йўқотган. Рико интенсив терапия бўлимида ҳар ҳафта мушак массасининг 30 фоизини йўқотди. Дарвозабоннинг нутқида ҳам муаммолар бор. Касалхонадан чиққан испаниялик футболчи бир неча ой давомида уйда бўлади. Асосий савол: у майдонга қайта оладими?
"Атлетик"нинг қайд этишича, Риконинг футболга қайтиши даргумон. Ҳеч ким мўъжизаларни инкор қилмайди, лекин Серхио яна юқори савияда ўйнаш учун ақл бовар қилмайдиган ишларни қилиши керак бўлади.
Серхио Рико “Севилья” тарбияланувчиси. Испаниялик футболчи 2014 йилдан 2020 йилгача Андалусия клубининг асосий жамоасида ўйнаган. 2014/2015 ва 2015/2016 йилги мавсумларда Серхио ўз жамоаси билан Европа Лигасида ғолиб чиққан. 2018 йилда Рико Премер-лигага "Фулхем" томонидан ижарага олинганди. Чемпионат якунларига кўра, жамоа Чемпионшипга тушиб кетди ва Серхио кейинги йили “ПСЖ”га жўнаб кетди. У ерда испаниялик футболчи ўринбосар ролини синаб кўрди, аммо шунга қарамай клуб билан тўлиқ келишувга эришди.
Парижда Рико ҳеч қачон асосий бўлмаган, лекин у доимий равишда совринларни қўлга киритган: учта Лига 1 чемпионлиги, иккита кубок ва битта Франция Суперкубоги, шунингдек, Франция Лига кубоги. 2022 йилда Серхио "Мальорка"га 6 ойга ижарага берилган. Кейин Серхио “ПСЖ”га қайтди, аммо 2022/2023 йилги мавсумда бирорта ҳам ўйин ўтказмади. Унинг парижликлар билан шартномаси 2024 йилнинг ёзига қадар амал қилади. “ПСЖ” шартномани бекор қилиши даргумон, аммо Серхиони майдонда жамоа тимсолида кўриш эҳтимоли минимал. Энди, ҳар қандай ҳолатда, Рико учун асосий вазифа соғлиғини тиклаш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
