Ёшлар ўртасидаги Осиё чемпионатининг илк ўйинида БАА терма жамоаси дастлабки турда Кувайт билан дуранг ўйнаб, ўзининг гуруҳдан чиқиш имкониятини анча пасайтириб юборди. Боиси, мезбонлар кейинги турларда мусобақа ғолиблигига асосий даъвогар бўлган — Япония ва Эрон билан ўйнайди. Бу икки жамоанинг ўзаро ўйинида эса форслар ғалаба қозонишди (2:0) ва ҳозирги кунда ушбу ёшда қитъанинг энг кучли жамоаси эканини исботлашди.
Ўйиннинг бошидаёқ Баҳром Барзай ҳисобни очган бўлса, Ҳуссайн Фазелий 56-дақиқада ҳисобни мустаҳкамлади.
"Мен шогирдларимни юқори концентрация учун мақтамоқчиман. Балки ҳисобга қараб, биз учун ўйин осон бўлгандек туюлиши мумкин, аммо ундай бўлмади. Япония - кучли жамоа ва ҳар иккала жамоа ғалаба қозонишга интилди. Эрон бундан ҳам яхширок ўйнай олиши мумкин. Кувайт ва БААга қарши ўйинларда янада кучлироқ Эронга гувоҳ бўласизлар. ", дейди эронликлар бош мураббийи Акбар Арги.
"Ушбу мағлубият япон футболи учун қайғули бўлди. Лекин олдимизда иккита ўйин бор ва биз уларда 6 очко қўлга киритишга ҳаракат қиламиз", дея ўз фикрини билдирди Япония ёшлар терма жамоаси бош мураббийи Ясуси Йошида.
"В" гуруҳида Жанубий Корея Ироқ қаршилигини синдира олмади. Ўйинда ҳисоб очилмади.
"Баҳс оғир бўлди, ҳар иккала жамоа кураш олиб боришди. Бир нечта имкониятларга эга бўлдик, аммо улардан фойдалана олмадик. Бугун ҳаво футболчиларга иссиқлик қилди. Боз устига, бу биринчи ўйин ва ўйинчилар иқлимга мослашиб олишлари керак. Кейинги ўйинларда жамоамиз иштирокидаги яхши ўйин гувоҳи бўласизлар. Биз бу ўйинда 3 очко олишимиз керак эди ва шунинг учун натижадан қониқмадим", дейди кореяликлар бош мураббийи Ли Кван Чо.
Ироқ ёшлар терма жамоаси бош мураббийи Ҳаким Шокир эса натижадан қониққанини таъкидлади.
"Ироқ ва Жанубий Корея ўртасидаги ўйин гуруҳнинг муҳим ўйини бўлишини билардик. Дуранг адолатли натижа бўлди деб ўйлайман. Қўлга киритилган 1 очко ҳар иккала жамоа учун фойдали бўлади деб ўйлайман. Ўйин қийин бўлишини билган ҳолда, ўйинни ҳимоядан ташкил қилдик ва қарши ҳужумларда имкониятдан фойдаланишни мақсад қилдик", дейди Ироқ мураббийи.
Ушбу гуруҳнинг яна бир ўйинида Таиланд ёшлар терма жамоаси Хитой устидан ғалаба қозонди - 2:1.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
