Мавсум олдидан “Челси” ўзининг энг қиммат ҳимоячисини йўқотди: Уэсли Фофананинг хочсимон пайлари йиртилиб кетди, у аллақачон операция қилинди. Одатда бу камида олти ойлик тикланишни талаб этади. Клуб тиббиёт штабидаги манба жароҳат жуда жиддий экани ҳақида хабар берди, Фофана кейинги ёзгача сафга қайтмаслиги мумкин. Ўтган мавсумда ҳимоячи жароҳати сабаб 20 та ўйинни ўтказиб юборган - шу пайтгача у "Челси" таркибида худди шунча учрашувда ўйнаган.
Фофана учун бу иккинчи жиддий жароҳат. "Лестер"да у 7 ойга сафдан чиққан эди
Фофана 22 ёшида жуда кўп жароҳатларга йўлиққан эди, унинг баъзилари жуда жиддий эди. Оғриқлар французни "Сент-Этьен"далик пайтиданоқ таъқиб қилиб келмоқда: у ерда футболчи тиззасини икки марта жароҳатлаган. Шу сабабли, 2019 йилда у 75 кунлик муддатдаги 12 та ўйинни ўтказиб юборди.
Кейин "Лестер"да ҳам бир хил муаммолар уни таъқиб қилиб келди. 2020/21 йилги мавсумда Фофана икки марта тиззасини, бир марта сон мушакларини шикастлади. Ачинарли натижа - 44 кун футболсиз ҳаёт (9 та ўйин).
Аммо Уэслининг яқин вақтга қадар энг даҳшатли жароҳати ҳозирда бўлгани каби, мавсумолди йиғинида кўзга ташланди. 2021/22 йилги мавсум бошланишидан олдин "Вильярреал" билан ўйинда унга ҳужумчи Фер Ниньо келиб тўқнашди. Фофанани майдондан замбилда олиб кетишди.
Уэсли болдирини синдириб олди ва 223 (!) кундан кейин майдонга қайтди - кейин у дарҳол Конференциялар лигасида гол урди. Ҳимоячи Лукманнинг узатмасидан кейин тўпни боши билан йўллади ва дарҳол Брендан Рожерс томон югурди - "Лестер" устози доимо футболчини қўллаб-қувватлаган.
“У эндигина майдонга чиқди ва гол урди. Мен бу темир йигитга қойил қоламан”, - дейди “Лестер”нинг собиқ футболчиси Иван Робертс.
"Челси"га ўтишдан олдин Уэсли Нью-Йоркда текширувдан ўтди: текширув 10+ соат давом этди
Узун сферали жароҳатлар тарихи ҳам ҳимоячига "Челси"га ўтишга имкон берди: у "Лестер"дан 70+5 миллион фунт эвазига олинган. Аммо Лондон клуби буни хавфсиз амалга оширмоқчи бўлди: трансфердан олдин у Нью-Йоркда чуқур текширувдан ўтди - Фофананинг сўзларига кўра, бу 10 соатдан кўпроқ давом этди.
“Мен текширувни Лондонда бўлади деб ўйлагандим, кейин эса Нью-Йоркда ўтказилишини билдим. Бу шошилинч ташриф эди, лекин мен клиникада кўп вақт ўтказдим. Улар менинг тўпиғимни текширишди. Ҳаммаси таҳлил қилинди. Жароҳатимдан қандай қутулганимни кўриш учун ҳамма нарса ишга солинди. Бу 10 соатдан ортиқ давом этди. Менга сарфланган пул миқдорини ҳисобга олсак, бу нормал ҳолат”, - деди Фофана.
Аммо "Челси"да жароҳатлар футболчини қўйиб юбормади. 2022 йил октябрь ойида у яна тиззасини жароҳатлади, Жаҳон чемпионати пайтида тузалиб кетди ва Премьер-лигада фаолиятини қайта бошлаш учун қайтиши керак эди, аммо кейин яна "Брентфорд"га қарши ўртоқлик учрашувида - чемпионатдаги расмий ўйиндан бир ҳафта олдин у яна сафдан чиқди. Натижада, ўтган мавсумда 20 та ўйин ўтказиб юборилганди. Ижтимоий тармоқлардаги нафрат туфайли Фофана Twitter'ини ўчириб қўйди ва Instagram'ини ҳам ёпишга мажбур бўлди. Почеттино бу йигитни қўллаб-қувватлади.
Жароҳатлар Фофананинг Премьер-лигада тўғри ўйнашига тўсқинлик қилмоқда: 2020/21 йилдан буён мавсумлар бўйича ўйинлар сони мос равишда 28, 7 ва 17 тани ташкил этади
Янги мавсум ҳали бошланмади, аммо Фофана ҳозиргача унинг катта қисмини ўтказиб юборса керак. Мухлисларнинг кўплаб ҳақоратлари туфайли футболчи Twitter'даги профилини ўчириб, instagram'ини ёпди - ҳа, сиз тўғри тушундингиз: футболчи хочсимон пайларини шикастлаб олган. Рис Жеймс ва Беноит Бадиашиль ижтимоий тармоқларда шеригини қўллаб-қувватлади.
Бош мураббий Маурисио Почеттино ҳам унга далда берди: "Бу жуда ачинарли, ёмон хабар. Ҳаммамиз жуда хафамиз. Унинг учун қила оладиган ягона нарсамиз, унинг ўз йўлига қайтишига ёрдам бериш, шифо тилашдир. Унга энг яхши тилакларимизни тилаймиз. Умид қиламанки, у бу мавсумда ўйнайди".
Биз ҳам шундай умид қиламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
