Ёшлар ўртасидаги Осиё чемпионатининг иккинчи турида Ўзбекистон термв жамоаси иорданиялик тенгқурларига қарши учрашувда имкониятни бой бера туриб ҳисобни тенглаштира олди.
Умуман биринчи учрашувда рақибни жуда осонлик билан мағлуб этган терма жамоамиз бу учрашувни бироз ўш бошлади. Биринчи бўлим давомида терма жамоамиз футболчилари бир қатор ҳужумлар уюштиргандек кўринга бўлсада, тўп назоратида, яккакурашларда иорданияликларга имкониятни бой бериб қўйишди. Айниқса майдон марказида Иордания терма жамоаси устунлик қилишди ва бир қатор хавфли вазиятларни, айтиш мумкин бўлса, голга тортадиган вазиятларни ярата олишди. Бироқ иккала жамоа ҳам гол кирита олмади.
Иккинчи бўлимни худди биринчисидаги каби фаоллик билан бошлаган Иордания терма жамоаси 48-дақиқада ҳисобда олдинга чиқиб олди. Ҳимоямиздаги пала-партишлик натижасида тўпни қабул қилиб олган Фади Авад ҳисобни очди.
Айнан мана шу голдан кейин терма жамоамиз ўйинида жонланиш сезила бошланди. Қанотларда марказдан, стандартларда вакилларимиз жуда фаол бўлишди. Шундай ҳужумларнинг бири чап қанотдан ташкил қилинди ва жарима майдонига етказиб берилган тўпни рақиб ҳимоячиси қўли билан тўхтатиб қолди ва ҳакам пенальти белгилади. Пенальтини эса терма жамоамиз тўпурари бўлиб турган Игор Сергеев аниқ амалга ошириб ҳисобни тенглаштирди.
Орадан кўп ўтмай Иордания яна бир ҳимоядаги оддий хато натижасида ҳисобда олдинга чиқиб олди. Узоқ масофадан тўп жарима майдончамизга етказиб берилди. Иорданияликлар ҳужумчиси тўпга сакрай олмади. Бу эса Сардор Раҳмоновни чалғитди ва у ўз дарвозасига — айтиш мумкин бўлса жуда чиройли тарзда — ишғол қилиб қўйди.
Шундан кейин терма жамоамизнинг ҳақиқий штурмини кузатиш мумкин бўлди. Аббос Махсталиевнинг ўзида камида беш бор рақиб дарвозасини ишғол қилиш имконияти бўлди. Бирида тўп устунга теккан бўлса, бирида дарвозабон ажойиб сейв билан уни бартараф этди. Умуман рақиб посбони Нуриддин Атея ҳақида. Ушбу посбон шу куни камида учта ҳақиқий гол бўлиши керак бўлган зарбаларни бартараф эта олди. Игор Сергеевнинг, Козакнинг зарбаларини у ўта ишонч билан бартараф эта олди.
Бироқ шунча ҳужум барибир самара бермасдан қолмади. Ҳакам томонидан қўшиб берилган дақиқаларда рақиб Жамшид Искандеровга нисбатан қўполлик ишлатди. Бу стандартни футболчининг ўзи бажарди. Барчадан баланд сакраган Сергеев бу вазиятда ҳам фаоллик кўрсатди ва Атеяни ожиз қолдира олди. Натижада жуда мураккаб кечган учрашувда 2:2 ҳисобида дуранг натижа қайд этилди.
Ёшлар ўртасида Осиё чемпионати
«С» гуруҳи. 2-тур
ИОРДАНИЯ - ЎЗБЕКИСТОН 2:2 (0:0)
Голлар: Фади Авад ал-Иссавий (48), Сардор Раҳмонов (64, автогол) - Игор Сергеев (60-пен, 90+3).
Иордания: 1. Нуриддин Атея, 3. Муҳаннад ас-Сулаймон, 4. Амир Абуҳудиаб, 7. Фади Авад ал-Иссавий, 8. Лаит ал-Биштавий, 14. Мунзир Ража Ҳасан, 15. Али ал-Ртум, 17. Ражоий Айед Ҳасан (С), 18. Умар Халил ал-Ҳасаний, 19. Аҳмад Исраваҳ, 23. Билол Али Куайдир.
Ўзбекистон: 1.Асилбек Амонов, 2.Тоҳиржон Шамситдинов, 3.Сардор Раҳмонов, 14.Жавлон Мирабдуллаев (18. Сардор Собирхўжаев, 83), 5.Максимильян Фомин, 6.Аббосбек Махсталиев, 7.Владимир Козак (С), 9.Жаҳонгир Абдумўминов (13. Сергей Рекун, 83), 10.Жамшид Искандеров, 11.Абдул Азиз Юсупов (15. Темур Ҳакимов, 55), 17.Игорь Сергеев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
