Гвардиола ўзининг 14 йиллик мураббийлик фаолияти давомида "Барселона", "Бавария" ва "Манчестер Сити"да ишлаган. У мана шу 14 йилнинг 11 йилини мамлакат чемпиони сифатида тугатган эди. Қолган уч йилда, каталониялик мутахассис жамоаси икки бор иккинчи, бир йил эса учинчи ўринни эгаллайди. ш
Шу давр давомида Гвардиола жамоасидан фақатгина тўртта мураббий ўзиб кета олган холос. Қуйида ўша айрим ўзига хос номлар ким эканини билиб оласиз.
Жозе Моуриньо – "Реал" (2011-12)
Гвардиола ўзи тарбия топга клубни 2008 йилдан 2011 йилга қадар кетма-кет чемпионликка етаклайди. 2010 йилда, "Реал" "Интер"да қаҳрамонликлар кўрсатган (треблга эришган) Жозе Моуриньони олиб келади. Унинг олдига гегемонлик қилаётган "Барселона"нинг "суробини тўғирлаб қўйиш" вазигафи қўйилганди. 2011 йилда "Реал" мамлакат кубоги финалида "Барселона"ни мағлуб этади. Бироқ, лига ва ЕЧЛ яна бой берилди. Моуриньонинг "Реал"даги иккинчи мавсуми фантастик даражада ўтди. У "қироллик клуби"ни 100 очко билан Испания чемпионига айлантирди. 2012 йилда Гвардиола "Барса"дан кетганини эълон қилиб, Нью-Йорк шаҳрида таътилини ўтказади. Шу-шу, у Ла-лигага қайтмади.
Антонио Конте – "Челси" (2016-17)
Гвардиола 2016 йилнинг ёзида "Манчестер Сити"га олиб келинади. У бундан олдин "Бавария" билан кетма-кет уч мавсум Бундеслига чемпиони бўлганди. Англиядаги дебют омадли бўлмайди. Гвардиола жамоаси куз давомида мағлубиятларга учраб, "Челси"ни анча олдинга ўтказиб юборади. Лондон клубида эса Конте иш бошлаган эди. Италиялик мутахассис "Челси"ни 2017 йилнинг май ойида 91 очко билан чемпион қилади. "Шаҳарликлар" эса мавсумни учинчи ўринда тугатади. Ўша мавсум Гвардиола фаолиятидаги ягона совринсиз ўтган даврга айланади.
Маурисио Почеттино – "Тоттенхэм" (2016-2017)
2016-2017 йилги мавсумда фақатгина "Челси" Гвардиола жамоасидан ўзиб кетмганди. Орада иккинчи ўриндаги "Тоттенхэм" ҳам бӯлган. Мавсум айнан "Тоттенхэм" ва "Челси" ўртасидаги кураш билан кечади. "Шпорлар" ҳужуми ажойиб эди. Почеттино олд-чизиқда Кейн, Сон, Деле Алли ва Эриксен билан фантастик квартет ясайди. Улар 2017 йилни жами 69 та гол ва 35 та ассист билан тугатишади. Шунингдек, Почеттино жамоаси октябрь ойида "Манчестер Сити"ни 2-0 ҳисобида доғда қолдиради. Жавоб учрашуви эса 2-2 ҳисобида тугайди. Шундай қилиб, "Манчестер Сити" "Тоттенхэм"дан 8 очко кам тўплаган ҳолда мавсумни учинчи ўринда тугатади.
Юрген Клопп – "Ливерпуль" (2019-20)
Клоппнинг Гвардиоладан узоқ вақтлик алами бор эди. Улар Бундеслигада кўп бор тўқнаш келишган. Аммо ҳар сафар Гвардиола жамоасининг қўли баланд келаверарди. Клопп испаниялик мураббийдан 8 ой олдин Англияга келган. У ўзининг илк мавсумида "Ливерпул"ни 4 ўринга эриштиради. Клопп шогирдлари 2018-2019 йилда 97 очко тўплайди. Аммо бу чемпионлик учун етарли бўлмаган. Лекин бундай натижа, қолган исталган лигаларда чемпионликни кафолатларди. Афсуски, олдинда 98 очко тўплаган "Манчестер Сити" турарди. Келаси мавсумда Клопп янада қаттиқ ҳаракат қилди. Ўша чемпионлик 30 йилдан кейин келди. Аммо осон келмади. Бунинг учун мерсисайдликлар 99 очко тўплашларига тўғри келганди. Иккинчи ўрин "шаҳарликар"га насиб этади. Ўшанда улар Клопп жамоасидан 18 очко ортда қолиб кетганди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
