Футбол формаларидаги ҳомийлар кўпинча мухлисларга ёқмайди, лекин баъзида клуб ва бренд бир-бирига шунчалик мос тушадики, улар бир-биридан ажралганда кўникишимиз қийин бўлади. Бундай ҳамкорликларнинг энг эсда қоларли намуналарини тўпладик.
Муҳимлигига қараб тартиблаш қийин, шунинг учун хронологик тартибда кўриб чиқамиз.
"Манчестер Юнайтед" ва "Sharp" (1982-2000)
Японлар билан яна бир узоқ ҳамкорлик. Sharp корпорацияси "Манчестер Юнайтед" тарихидаги биринчи титул ҳомийси бўлди. Ўшанда ҳеч ким бу ҳамкорлик қанчалик афсонавий бўлишини ўйламаган эди. 1998/99 йилги Чемпионлар лигаси финалида Sharp билан ажойиб камбэк ҳам бўлган.
2000-йилларда Sharp ўрнини Vodafone уяли алоқа оператори эгаллади, бу ҳам клуб учун жуда эсда қоларли ҳамкорликдир.
"Аякс" ва ABN AMRO (1991-2008)
Голландия футболидаги яна бир кучли ҳамкорлик. Амстердамликлар 17 йил давомида Голландиядаги энг йирик банк логотипини ўз футболкаларида акс эттириб келишган, жумладан 1995 йилда Чемпионлар лигасида жамоа ғолиб чиққан пайти бу компания анча машҳур бўлиб кетди.
ABN AMRO тарихда биринчи бўлиб логотипни вертикал равишда қўллаган, у марказдаги қизил чизиқли анъанавий дизайнга жуда мос тушарди. "Аякс"нинг ўша даврдаги асл ғоялари чекланмаган: 90-йиллар бошида жамоа икки мавсум давомида банк логотипидан илҳомланган туркуаз-сариқ либосда ўйнаган. Ҳозирда ABN AMRO ҳамон клуб ҳомийси бўлиб қолмоқда, аммо эндиликда фақат "Аякс"нинг ёшлар ва аёллар жамоаларидаги футболкаларда банк логотипи туширилган.
"Реал" ва Teka (1992-2001)
90-йилларда Teka "Реал Мадрид" билан чамбарчас боғлиқ эди, бироқ кўпчилик бу қандай компания эканлигини билмас эди. Немисларнинг сантехник буюмлар ишлаб чиқарувчи компанияси бутун Ла Лигада машҳур бренд ҳисобланарди. 1981 йилда Teka "Раcинг" билан ҳамкорлик қилиб, испан футболи тарихидаги биринчи титул ҳомийга айланди. Компания ушбу амалиётни Германиядан олиб келди, у ерда деярли барча Бундеслига клублари футболкаларда тижорат логотиплари билан ўйнашган. Teka билан "Реал Мадрид" 9 йил ичида 9 та соврин, жумладан, 30 йиллик танаффусдан сўнг икки марта Чемпионлар лигаси кубогини қўлга киритди. Хўш, Рауль бу формага қанчалик мос тушди?
"Ливерпуль" ва Carlsberg (1992-2010)
"Ливерпуль" бу титул ҳомийлик билан шартнома имзолаган биринчи Премьер-лига клубидир. 1979 йилда мерсисайдликлар футболкага япон конгломерати Ҳитачи логотипини қўйишган. Бу ҳамкорлик фақат 1982 йилгача давом этди, аммо 10 йил ўтгач, клуб Даниянинг Carlsberg пиво корпорацияси билан энг кучли иттифоққа кирди. Айнан шу футболкаларда "Ливерпуль" Истанбул мўъжизасини яратди. Дания компанияси кўп вақтдан буён либослар билан ҳамкорлик қилмаган бўлса-да, клубнинг муҳим ҳомийлари қаторида туради. "Ливерпуль" бу борада ажойиб барқарорлик кўрсатди, улар бутун Премьер-лига тарихида фақат бир марта титул ҳомийсини ўзгартирди - Carlsberg ёзувли футболка 17 мавсум давомида клубга хизмат қилди, Standard Chartered банкининг битими бир-икки йил ўзгаришсиз қолади (2010-2027).
"Милан" ва Opel (1994-2006)
Opel - 90-йилларнинг классикаси. Немис автомобил ишлаб чиқарувчиси ўзининг "Бавария" ва "ПСЖ" либослари билан яхши эсда қолганди, аммо "Милан" билан ҳамкорлик ҳақиқатдан афсонавий бўлиб қолди. Бренд А Серия ва "Милан"нинг буюклиги билан боғлиқ: клуб икки марта Чемпионлар Лигаси ва тўртта Скудеттони қўлга киритди ва энг муҳими, бу футболкаларни қандай буюк футболчилар кийган эди: Шевченко, Кака, Мальдини, Пирло, Индзаги - бу рўйхат чексиз.
"Интер" ва Pirelli (1995-2021)
"Pirelli"сиз "Интер" бурни йўқ юзга ўхшайди", "Бу формадаги чизиқларни олиб ташлашга ўхшайди" - бу бир неча йил олдин компания ва клуб ҳамкорликни тўхтатгандаги клуб мухлисларининг муносабати. Pirelli номи биринчи марта Италия футболида 20-аср бошларида пайдо бўлган. Компания асосчиси Жованни Баттистанинг ўғли Пьеро Пирелли "Милан" асосчиларидан бири бўлган ва 1909 йилда атиги 28 ёшида у клуб президенти бўлган. У бу лавозимда 1929 йилгача ишлаган. Бироқ, 90-йилларнинг ўрталаридан бошлаб, энг йирик автомобиль шиналари ишлаб чиқарувчилардан бири "Интер" билан чамбарчас боғланди. Компания Роналду билан машҳур рекламаларни яратди, бир қанча афсонавий либослар ва бир нечта рамзий ғалабалар, жумладан 2010 йилги требл ҳам у билан боғлиқ. УEФА кубоги-1997/98 ҳам Pirelli билан бирга топширилган - бу ерда чизиқлар горизонтал эди. Вертикал компания логотипи ҳақида нима дейиш мумкин? Pirelli ва Жанлука Палука буни амалга ошириши мумкин эди.
"Арсенал" ва О2 (2002-2006)
Лондонликлар ҳар доим ҳомийлар билан муваффақият қозонишган: 2000-йилларнинг бошидан Dreamcast ўйинлар логотипи биринчи ва учинчи тўпламларга, иккинчи тўпламга эса унинг ишлаб чиқарувчиси Sega логотипи туширилган қисқа муддатли иттифоқни ҳамма эслайди. 2006 йилдан бери "Арсенал"га лондонликлар билан кўпроқ алоқага эга бўлган Emirates ҳомийлик қилишни бошлаган. Ушбу компаниянинг "Реал" ва "Милан" билан ҳамкорлик қилганини ҳам яхши эслайсиз.
Аммо Dreamcast ва Emirates ўртасида "Арсенал"нинг яна бир хомийси борки, у анча машҳурликка эришган – О2. Венгернинг енгилмас аскарлари! Ҳа, "кислород" логотипи Британиянинг энг йирик уяли алоқа операторидир.
"Реал Мадрид" ва Siemens (2002-2006)
Teka'дан кейин Мадрид бир мавсумни ҳомийсиз ўтказди: Зидан 2002 йилги Чемпионлар Лигаси финалида "Байер"га логотипсиз футболкада ажойиб гол урган. Кейинчалик Siemens пайдо бўлди ва мухлислар хотирасида "галактикос" даврининг рамзи бўлиб қолди. "Реал Мадрид" бу шаклда бирорта ҳам Чемпионлар лигасида ғалаба қозона олмаган, аммо унда Бекхэм, Зидан, Роналду, Фигу, Роберто Карлос ва Рауль ўйнаганлиги уни афсонавий қилади.
"Челси" ва "Samsung" (2005-2015)
Дастлабки уч йил давомида лондонликларнинг футболкаларида компаниянинг Samsung Mobile мобил бўлими логотипи кўриниб турарди. Бундан ташқари, келишув вақтида у телефон бозорида арзимас улушни эгаллаган, аммо 10 йилдан сўнг Samsung аллақачон дунёдаги энг йирик смартфон ишлаб чиқарувчиси бўлган (2015 йилдан бери компания бозорнинг тахминан 30 фоизини барқарор назорат қилиб келмоқда). Бу даврда "Челси" ҳам анча ўсди. Лондонликлар Emirates қўл остида Жозе Моуриньо билан биринчи чемпионликни қўлга киритди, аммо кейинги мавсумда жамоа Samsung билан чемпионликни ҳимоя қилди. Корея конгломерати билан биргаликда "Челси" ўзини топ клуб сифатида кўрсатди: биринчи финал, кейин эса Чемпионлар лигасидаги ғалаба, Терри, Лэмпард, Дрогба ва Чех билан афсонавий жамоа бу сегментда катталашди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
