Лионель Мессининг "Интер Майами"га ўтишини бутун футбол жамоатчилиги кутган эди. Еттита “Олтин тўп” соҳиби янги клубидаги ажойиб ўйинларидан бошлаб мухлисларни зериктириб қўймаяпти. Аргентиналик футболчининг АҚШдаги мунтазам голларига истаган ёшроқ футболчилар орзу қилиши мумкин.
Шимолий Америкага кўчиб ўтиш
Бу ёзда Месси кутилмаганда Шимолий Америкага кўчиб ўтди. "Интер Майами" мутахассислар ва мухлислар сайёрамизнинг энг яхши футболчиларидан бирини ўз таркибида кўришни кутмаган эди.
Асосий вариантлар сифатида “Барселона”, шунингдек, бошлиқлари футболчига фантастик молиявий шароитларни таклиф қилишга тайёр бўлган “Ал-Ҳилол” ҳам кўрсатилганди. Агар Лео Яқин Шарқни танлаганида, у Криштиану Роналду билан юзма-юз қарама-қаршиликни жонлантирган бўларди: улар ҳатто бир шаҳарда яшашарди. Аммо аргентиналик Океанортини афзал кўрди.
Мессининг Шимолий Америкада муваффақият қозона олмаслигидан қўрқишлар бор эди. Ахир 36 ёшда футболчи билан ҳамма нарса юз бериши мумкин. Аммо биринчи ўйинданоқ жаҳон чемпиони Майамига шунчаки дам олиш учун эмас, балки борини беришга келганини кўрсатди.
Лига кубогининг барча ўйинларида футболчи самарали ҳаракатлари билан ажралиб турди. Унинг дебют ўйини, айниқса, қўшиб берилган тўртинчи дақиқада жамоага Мексиканинг "Крус Асуль" жамоасини мағлуб этишга ёрдам бергани эсда қоларли бўлди. Чиройли жарима зарбаси мухлисларни ҳайратга солди.
Лига кубоги гуруҳ босқичининг навбатдаги ўйинида “Интер” “Атланта Юнайтед” устидан 4:0 ҳисобида ғалаба қозонди. Лео дубль ва голли узатмани амалга оширди. Бу унинг жамоасига биринчи ўриндан плей-оффга чиқиш имконини берди.
1/16 финалда “Интер” “Орландо Сити” билан тўқнаш келди. Бу ерда Лео яна бир бор дубль қайд этган ҳолда бош қаҳрамонга айланди. Унинг голлари бўлмаганида, "Майами" асосий вақтда 3:1 ҳисобида ғалаба қозона олмасди.
Ҳар бир ўйинда иккитадан гол уриш анъанаси 1/8 финалда ҳам давом этди! Бу сафар “Интер” сафарда “Даллас” билан ўйнади. Бу ўйин Месси меҳмондаги биринчи ўйин бўлди.
Техасликлар жойлашган Фриско аренасидаги мухлислар ҳаяжони ақл бовар қилмайдиган даражада эди. Ҳамма дунёга машҳур юлдузни ўз кўзлари билан кўришни хоҳларди. The Dallas Morning News нашрининг ёзишича, "Toyota" стадионига ташриф буюрувчилар сони аввалги учта ўйинни жамлагандан ҳам ошиб кетган. Бундан ташқари, нашрнинг таъкидлашича, кўплаб мухлислар "Интер Майами" либосида келган.
Месси ўзининг биринчи голини олтинчи дақиқадаёқ жарима майдончаси ташқарисидан чиройли зарбаси билан урди. Аммо ўйин “Интер” учун осон кечмади. Даллас танаффусга қадар ҳисобда олдинга чиқиб олди ва 85-дақиқагача устунликни сақлаб қолди.
Лига кубогида плей-офф босқичи битта ўйиндан иборат бўлиб, мағлуб бўлган жамоа турнирдан четлаштирилади. Бундай вазиятда ваҳима қилиш осон, лекин Месси хотиржамлик билан жарима зарбасидан тўпни кучли тўққизликка киритиб, ўйинни пенальтилар сериясигача боришини таъминлади ва лотореяда "Интер" ғалабани тортиб олди. Дарвоқе, Лео бу ерда ҳам бенуқсон ҳаракат қилди, 11 метрлик зарбани хотиржамлик билан голга айлантирди.
Мессининг ажойиб ўйини ҳатто "Даллас" бош мураббийи Нико Эстевесни ҳам қувонтирди. Мутахассис мағлубият ва жамоа турнирни тарк этганига қарамай, аргентиналик футболчини мақтади.
"Қанчалик кўп юқори савияда ўйнасангиз, шунча яхши бўласиз. Агар чемпионатда бизда унга ўхшаган футболчилар бўлса, бу футбол савиясини сезиларли даражада оширади, чунки бундай даражага дуч келганингда, сен яхшироқ ўйнашинг керак", - дея Эстевеснинг сўзларини келтиради The Dallas Morning News.
Мессининг Америкадаги саргузаштлари мана шундай давом этмоқда. Кўрамиз, унинг кейинги ўлжаси қайси жамоа бўлар экан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
