Премьер-лиганинг янги мавсуми ҳали бошланмади, бироқ «Вулверхэмптон» бош мураббийи Хулен Лопетеги аллақачон клубдаги мавқеини йўқотди.
Европа футболида, айниқса, АПЛда мураббийлар истеъфоси яна ҳам кўпайиб бормоқда. Ёзда учта клуб зудлик билан ўзига янги устозлар топди: «Тоттенхэм» Анже Постекоглу, «Челси» Маурисио Почеттино ва «Борнмут» Андони Ираола билан шартнома имзолади. Ўтган мавсум бошидан буён 20 та клубдан 11 тасида мураббий алмашди.
BBC Sport ишдан бўшатиш ҳолатларида мураббийнинг ўзгариши ҳақиқатан ҳам керакли натижага олиб келадими, деган саволни таҳлил қилишга қарор қилди. Ўтган мавсумда Премьер-лига жамоаларининг 55 фоизи мураббийини ўзгартирди, бу Европанинг топ-5 лигалари орасида энг юқори кўрсаткичдир. Кейинги ўринларда Франция ва Испания - 50%, Германия - 44% ва Италия - 35%.
CIES Football Lab маълумотларига кўра, бу рақамлар бутун қитъа тенденциясини ўзгартирди. Клуб хўжайинларининг сабрсизлиги кучаймоқда: ўзгаришга қарор қилган жамоалар сони 80 йиллардагидан деярли икки баравар кўп.
Бундан 40 йил аввал бор-йўғи бешта жамоа таркибга ўзгартириш киритган бўлса, Премьер-лиганинг биринчи йилида атиги тўртта ишдан бўшатилган мураббий бор эди. 1980 йилларда бундай қарорларнинг ўртача сони 6,5 тани (30%) ташкил этган бўлса, кейинги ўн йил ичида уларнинг сони 8,3 тага (42%) ошди.
Агар ёзда мураббийларни ишдан бўшатиш тушунарли бўлса, мавсум ўртасида уни ўзгартириш одатда клубда нимадир нотўғри кетаётганини билдиради. Сўнгги ўн йил ичида мавсум ўртасида 83 та мураббий ишдан бўшатилган. 2020 йил июль ойида Найжел Пирсон лигада иккита ўйин ўтказган бўлса, 2016 йилнинг май ойида «Эвертон»даги Роберто Мартинес биргина баҳсда шогирдларини бошқарган холос. Ўтган мавсум баъзи клублар ҳатто икки мартаб мураббийни алмаштиришга қарор қилган. Ўтган мавсумда лигада жами 41 нафар мураббий ишлаган.
Жадвалнинг юқори ярмидаги ҳар бир клубда ўртача 1,4 нафар, қуйида эса 2,4 нафар мураббий ишлаган. Ажабланарлиси шундаки, «Ноттингем Форест» ўз менежерига ишончини сақлаб қолди, аммо пастга тушиб кетган клублар «Лестер» ва «Лидс» турли ўзгаришларга қарор қилишди ва бу уларга ёрдам бермади.
Жадвалдан кўриниб турибдики, ўзгаришлар фойдали бўладими, деган савол шунчаки тасодифийдир. «Астон Вилла», «Борнмут», «Эвертон» ва «Кристал Пэлас»нинг қарорларини оқлаш мумкин, «Челси», «Тоттенхэм», «Лидс» ва «Брайтон» ёмонроқ картина келтириб чиқаради холос. «Саутгемптон» ва «Лестер»да деярли ўзгаришлар йўқ. Улар шунчалик ёмон ҳаракат қилишдики, муваффақиятсизликнинг олдини олиш имконсиз эди.
Премьер-лиганинг икки энг яхши жамоаси – «Ливерпуль» ва «Сити» кўп йиллардан буён мураббийларини алмаштирмаган. Бу кўрсаткич бўйича «Арсенал» учинчи ўринда бормоқда.
Янги мавсумнинг тенденцияси қандай бўлади? Юқорига кўтарилган жамоалар мавсум охиригача мураббийларини сақлаб қоладими? Бу ва кўплаб шунга ўхшаш саволлар мавсум давомида ўз жавобини топади. Юқори даражадаги ишонч билан айтиш мумкинки, мавсум бошидаги мураббийларнинг ярмига мавсум охиригача имкон берилмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
