"Челси" ёз давомида "олди-сотди"ларда энг фаол қатнашган жамоалардан бири эди. Тодд Боэли ўз жамоасини анча кучайтириб олди. Клуб яқиндагина "Кристал Пэлас"дан Майкл Олисе исмли ҳужумчини олиши ҳақида хабарлар тарқалганди. 21 ёшли футболчи 35 миллион фунтлик товон пулига эга бўлган. Бироқ у келмади. Бунинг ўрнига "бургутлар" Олисени янги битимга боғлаб қўйди. Қуйида "Челси" учун муқобил вариантлар номини кўриб чиқамиз.
Бреннан Жонсон
"Челси" шундоқ ҳам Жонсонга қизиқиш билдириб турганди. Уэльс терма жамоаси аъзоси 50 миллион фунтга тушиши айтилган. Томонлар бу борада аллақачон музокараларга киришгани айтилмоқда. Жонсон "Ноттингем"ни АПЛга чиқиши ва элитада қолишида катта ҳисса қўшган эди.
Муҳаммад Кудус
"Челси" ушбу харидни амалга оширса, "Вест Хэм"ни ҳам "Ливерпуль" аҳволига солган бўларди. Негаки, Кудусга "Вест Хэм" жиддий даъвогарлик қилмоқда. Ўтган мавсум давомида Гана терма жамоаси аъзоси барча мусобақаларда жами 18 та голга муаллифлик қилган эди. 22 ёшли футболчи 40 миллион фунтга тушиши айтилган. Айни дамда бу масалани ҳал қилиш учун "Вест Хэм" спорт директори Амстердамда бўлиб турибди. Шу сабаб "Челси" тезроқ отни қамчилаши керак.
Брадли Баркола
Француз матбуоти тарқатган хабарларга кўра, "Лион" вингери Баркола "Челси" радарига тушган. Бу футболчи учун "ПСЖ" ҳам курашаётгани айтилмоқда. Айни дамда Барколанинг нархи 35 миллионни ташкил этади. У ўтган мавсум давомида жами 7 та гол ва 12 та ассистга муаллифлик қилган. 20 ёшли футболчининг ўзи АПЛга ўтишга тайёр.
Элье Ваи
"Челси" ҳам кўплаб АПЛ клублари сингари Ваининг харидорига айланган. Ҳаттоки лондонликлар ҳужумчи эвазига 24 миллион фунт таклиф этганди. Аммо бу қиймат "Монпелье" раҳбариятига етарли бўлмади. Ваи ўтган мавсумда 33 та баҳсда 19 та голга муаллифлик қилган. Шунга қарамасдан, агарда "Челси" уни сотиб олса, катта эҳтимол билан ижарага беради. Бу ижарачи клуб эса "Старсбур" бўлиши мумкин.
Райан Шерки
Шерки ёз давомида "Челси" томонидан кузатиб келинаётган эди. Футболчи эндигина 20 га тўлди ва ёрқин келажак уни олдинда кутмоқда. Ўтган мавсум давомида у 21 марта майдонга тушиб, 4 та гол ва 6 та ассист қайд эта олган. "Лион" Шеркини сотмаслик учун қаттиқ ҳаракат қилмоқда. Шунга қарамай, яхши таклиф учун йўқ дея олмаса керак. Шерки ҳар икки оёғида бирдек кучли зарбага эга. Агарда у бу ёзда сотиб олинмаса, футболчининг 2024 йилда катта эҳтимол билан нархи ошиб кетади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
