Постекоглу «Тоттенхэм Хотспур» учун жуда ҳам фойдали инсонга айланди. У жамоани қайта туза бошлади. Энг асосийси шундаки, «шпорлар» яна эски, ҳужумкор услубини тиклаяпти. Қуйида Постекоглу келганидан кейин ўзгарган тўрт футболчини билиб оласиз.
Ив Биссума
Биссума 25 миллион фунт эвазига «Брайтон»дан харид қилинади. Ундан ўтган мавсумда катта нарсалар умид қилинганди. Бироқ, Антонио Конте қўл-остида ярим ҳимоячи ўзини кўрсатишга қийналди. Бир йил ўтди ва Биссума янги мавсумни ажойиб бошлади. 26 ёшли футболчи ҳозирга қадар ўтказилган ҳар уччала турда тўлиқ ҳаракат қилди. Кўплаб мутахассислар айни дамда Биссумани 100 миллион фунтлик футболчига айланганини эътироф этишмоқда.
Пап Матар Сарр
Ёз давомида Сарр учун кўплаб таклифлар билдирилган эди. Бироқ, «Тоттенхэм» уни сотмади. 20 ёшли футболчи ўтган мавсум давомида 2 марта асосий таркибда майдонга тушди холос. Сенегал терма жамоаси аъзосини Постекоглу ўзгартира олди. Ярим ҳимояда ҳозирга қадар Сарр фантастик даража намойиш этди. Ҳақли равишда у «Манчестер Юнайтед»га қарши баҳсда энг яхши футболчи дея топилди.
Кристиан Ромеро
Ромеронинг Аргентина терма жамоаси ёки «Аталанта» сафидаги ҳаракатларини кўрган одам, унинг даражасига шубҳа қила олмайди. Марказий ҳимоячи ўтган йилги мундиалда буни яна бир бор исботлаб қўйганди. Аммо Конте даврида Ромеронинг хатолари ва тартибсиз ҳаракатлари кўпайиб кетганди. Шунга қарамай, Постекоглу бу масалани ҳал этди. У аргентиналикдан муваффақиятли равишда фойдаланиб келмоқда. Ромеро ҳозирга қадар гол уришга муваффақ бўлгани ҳам фикримизни исботлайди.
Педро Порро
Испаниялик ҳимоячи шу йилнинг январида олиб келинганди. Ҳамма ундан кўп нарса умид қилди. Бироқ, Порро АПЛга мослашиш масаласида анча қийналди. Бу нарса 2022/23 йилги мавсумнинг охирларида яққол намоён бўлди. Янги мавсумнинг илк баҳсида Постекоглу қанотда Эмерсон Роялдан фойдаланганди. «МЮ» ва «Борнмут» устидан ғалабада эса Порро катта саҳнага чиқди. У Рэшфордни зарарсизлантиришда ишончли ҳаракатлари билан ажралиб турди. Айнан шундай ўйин «Борнмут»га қарши ҳам кўрсатилди. Шундай экан, Педро Поррони кейинги турларда ҳам асосий таркибда кўрсак керак.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
