Саудия Арабистонида трансфер ойнаси ёпилди - энди топ-клублар қишгача ўзларининг асосий юлдузлари маошини ўн баравар ошириб, улар билан янги шартнома имзолаш имконига эга.
Трансферлар ойнаси ёпилганига қарамай, эркин агентлар бозорида ҳали ҳам кўплаб ўйинчилар мавжуд. Қуйида уларнинг энг машҳурлари билан танишишингиз мумкин. Графикларда ҳар бир футболчининг ёши, ўрни ва охирги клуби кўрсатилган.
• Давид Де Хеа ўзига хос янгилик қилганга ўхшайди – илгари ҳеч қачон “Олтин қўлқоп” соҳиби мавсумни клубсиз бошламаган. Испаниялик футболчи "Реал"да Куртуа ва "Бавария"да Нойернинг ўрнини босиши мумкин бўлганлар рўйхатида пайдо бўлди, бироқ Анчелотти ва Тухель бир вақтнинг ўзида Давиднинг эҳтимолий трансферига тўсқинлик қилди.
• "Аста-секин оила ва дўстлар билан ҳаётдан завқланиш, пиво ичиш вақти келди", - Эден Азарнинг яқин орадаги режалари. Бельгиялик футболчи фаолиятини якунлаганини эълон қилмаган ва Daily Mail хабарига кўра, унга Премьер-лига клублари қизиқиш билдиришган (гарчи улар унинг жисмоний формасидан хавотирда бўлсалар ҳам). Азарнинг ўзи Дэвид Бекхемнинг "Интер Майами" таклифини рад этди ва кўпроқ футболни тарк этиш ҳақида ўйламоқда, гарчи унинг қариндошлари футболчини бундай қарордан қайтараётган бўлса-да.
• Папу Гомес декабрь ойида жаҳон чемпиони бўлди (гарчи турнирни бошланғич таркибда бошлаган бўлса-да, у кейинчалик захира ўриндиғига ўтказилди), айни пайтда клублар фаолиятидаги энг ёмон мавсумни ўтказди. Аргентиналик футболчи “Севилья”нинг бирорта мураббийининг режасига тўғри келмади ва клубга керак эмас деб баҳоланди. 1 сентябрь куни унинг шартномаси бекор қилинди.
• Жесси Лингард – август ойи бошида ЦСКА у билан боғланган эди, аммо миш-мишлар бор-йўғи бир ҳафта давом этди. Трансфер ойнаси охирида футболчи "Вест Хэм"га ўтиши мумкин эди (у ерда Жесси фаолиятидаги энг яхши даврлардан бирини ўтказди), аммо якунда клуб уни ўз сафига қўшиб олишдан бош тортди.
• Нико Шульц июль ойида "Боруссия М"ни тарк этди - клуб унинг шартномасини бекор қилди ва унга 2,5 миллион евро товон пули тўлади. Шульц 2022 йил август ойида оилавий зўравонликда айбланганидан бери расмий ўйинда иштирок этмади. Футболчининг собиқ севгилиси уни туғишидан икки ҳафта олдин қорнига тепганини айтди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
