Қуйида «Барселона»га янги келганларнинг жамоа ўйинига таъсири ҳақида сўз юритамиз.
«Барселона»нинг ўзгариши: икки португалиялик каталонияликларни қандай ўзгартирди? Трансфер ойнасининг сўнгги соатларида «Барселона» Жоау Феликс ва Жоау Канселуни ижарага олди. Феликс Каталония клубига «Атлетико»дан, Канселу эса «Манчестер Сити»дан ўтди. Уларнинг иккаласи ҳам ўз фаолиятини «Бенфика»да бошлаган. Ўз мураббийлари билан жанжаллашиб қолгач улар ўша куниёқ «Барселона» лагерига кўчиб келди.
«Барселона»нинг ҳақиқий кучи ҳақида хулоса чиқаришга ҳали эрта. Аммо шуни таъкидлаш керакки, жамоа таркиби узоқ вақтдан бери биринчи марта имкон қадар мувозанатли кўринди. Молиявий аҳволи оғир бўлишига қарамай, каталонияликлар ёзда Илкай Гюндоган, Феликс, Канселу ва Ориол Ромеу билан шартнома имзолади. Феликс бир нечта муаммоларни ҳал қила олади ва Хави учун муҳим бўлган чап қанот позицияси учун янгича куч қўша олади.
«Кўк-анорранглилар» ҳар доим ҳам позицион ўйинни қура олишмаган. Бу, аслида, бутун жамоа бир бўлиб ҳаракат қилганда кўплаб камчиликларни кўрсатиб беради. Агар бир ўйинчи майдоннинг маълум бир қисмини тарк этса, бошқаси уни ёпиши керак. Бу ўйинчилар орасидаги бўш масофага олиб келади ва бир нечта вариантлар юзага келиш билан бирга очиқ ҳудудлар юзага келади. Агар барча ўйинчилар майдонда тўғри жойлашса, жамоа яхши ҳимоя мувозанатини сақлайди, ҳимоядан ҳужумга ўтиш тез ва сифатли бўлади.
«Барселона» Жорди Альба, Серхио Бускетс ва Жерард Пикега жуда узоқ ишониб қолди, чунки улар Хави нима истаётганини олдиндан тушунишарди. «Гюндоган ва Канселуга ҳеч нарса дейишим шарт эмас, чунки уларда аллақачон биз каби ўйнайдиган мураббий [Гвардиола] бўлган», - деди Хави Чемпионлар Лигаси доирасидаги «Антверпен» устидан қозонилган ғалабадан сўнг (5:0). Доим айбдор бўлган ўйинчилардан бири Френки де Йонг эди. Голландияликдан жуда кўп нарса талаб қилинди. Аммо ярим ҳимоячи ижодий ечимларнинг ягона манбаи бўлишдан кўра, тизим ичида ўйнаганида энг яхши хусусиятларини намоён қилади. У интизомли ва ўзидан сўралган ҳамма нарсани ҳал қилишга ҳаракат қилади, лекин унга ёрдам керак. Феликс ва Канселу келиши билан де Йонг тўпда бироз камроқ ўйнай бошлади, аммо барибир у бу жамоанинг муваффақиятида муҳим роль ўйнамоқда. Канселу ҳар 90 дақиқада ўртача 91,4 марта тўпга тегинади. Фақат Жюль Кунде, Андреас Кристенсен, де Йонг ва Ромеу тўпга ундан кўп тегинади. Бироқ, Канселу рақиб жарима майдони ичида 90 дақиқада ўртача 47,5 марта тўпга тегишни кўрсатади, бу жамоада Де Йонг, Ромеу ва Гюндогандан кейин тўртинчи ўринни билдиради. Жоау номинал ўнг қанот ҳимоячиси, аммо унинг майдонда ҳаракатланиш доираси анча кенгроқ.
Канселу келгунига қадар Кунде ёки Рональд Араухо баъзан ўнг қанотда ўйнашарди, лекин уларнинг ҳеч бирида ўз позициясидан ташқарида ўйнаш сифати йўқ. Ҳозирда «Барселона»да Канселу бор, лекин агар Хави кўпроқ ҳимояланиши керак бўлса, у Де Йонг ва Ромеу билан ярим ҳимояга ўтиши мумкин. Канселу майдонда жуда катта ролга эга. Унга ҳимояда ҳам, ҳужумда ҳам турли вазифалар берилиши мумкин.
Феликс ҳақида гап кетса, у позицион ҳужумлар учун идеал вариантдир. Энг яхши нуқтаси - чап қанот ярим ҳимоячиси сифатида намоён бўлади, Хави уни кўп бора қўллайди. Яқинда португалиялик футболчи Каталония клубига ўтиш учун маошини сезиларли даражада камайтиришга тўғри келганини айтди. Унинг «Атлетико»да қийналишига сабаблар бор эди. Чунки унинг ҳужумдаги улуши кам эди ва имконият яратувчиси эмас, балки оддий ярим ҳимоячи ролида ўйнаган.
Феликснинг айтишича, «Барселона»да ишлар ўзи кутганидан ҳам яхшироқ кетмоқда. Хави унга ўзи хоҳлаган ҳаракат эркинлигини беради. Энди португалиялик ўзи учун ҳам, шериклари учун ҳам имконият ярата олади. У майдонда ўтказган жами 232 дақиқада 3 та гол ва битта голли узатмага эга. 2022/2023 йилги мавсумда «Атлетико Мадрид»даги ярим мавсумда у 740 дақиқа ўйнади ва атиги 5 та гол урди ҳамда 3 та голли узатмани амалга оширди.
Канселу ва Феликснинг келиши нафақат бутун жамоа, балки алоҳида футболчилар учун ҳам фойдали бўлди. Масалан, Гави сўнгги ойларда Хавининг доимий ўзгариши қурбони бўлди. Феликс ҳужумнинг чап қанотида ўйнагач, Гави марказга қайтиши мумкин, у ерда ўзига анча қулай позицияда ўйнай олади. Феликс, аксинча, майдон марказида шов-шув кўтаришни ёқтирмайди. У жарима майдончаси атрофида ва ичида энг яхши ҳолатда, ҳимоячиларга қийинчилик туғдиради. У ва Гави ўртасида бор-йўғи бир неча метр бор, лекин бу иккала ўйинчининг ўйинни қандай ўқий олиши жуда муҳим. Ҳужум чизиғининг бошқа томонида футболчилар Рафинья, Ферран Торрес ва Ламин Ямал кучли рақобат муҳитида ўсиб бораверади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
