Осиё чемпионлар лигаси гуруҳ босқичини сафардаги ғалаба билан бошлаган "Насаф" бугун ўз майдонида Қатарнинг номдор жамоаларидан бири "Ас-Садд"ни қабул қилди. Рўзиқул Бердиев шогирдлари мазкур ўйинда юқори прессингга асосланган ҳужумкор ўйин намойиш этиб беришди.
Бу услуб эса ўз самарасини берди. Баҳснинг 29-дақиқасида қанотдан узатма берилган тўп ҳимоячининг бош орқали жарима майдони ичида турган Нуруллоевга келиб тушди. Суҳроб тўпни тўхтатди ва 12 метрлардан аниқ зарба билан ҳисобни очди.
Иккинчи бўлимнинг дастлабки дақиқаси қаршиликлар учун омадли келди. Сиддиқовнинг чиройли узамасидан кейин Омонов қулай вазиятга чиқиб борди ва йўл-йўлакай бир ҳимоячини алдаб ўтиб, олис бурчак томон зарба берди. Тўп эса устунга тегиб, чизиқни кесиб ўтди — 2:0.
Орадан кўп ўтмасдан Азизбек Омонов ўзининг иккинчи, жамоасининг учинчи тўпини киритди. Бозоровнинг аниқ пасидан кейин ҳужумчи яна дарвозабон билан яккама-якка вазиятга чиқиб кетди ҳамда "парашют" услубида дарвозани ишғол қилди — 3:0.
Қатарликлар ўйин сўнгида битта жавоб тўпини киритишди. Гол муаллифи — Буалим Хухий.
"Насаф" ушбу ғалаба туфайли ўз очколарини 6 тага етказиб олди. БААнинг "Шаржа" клуби бугун ўз майдонида "Ал-Файсалий"ни қабул қилиб, 1:0 ҳисобида ғалаба қозонди ва очколарини 4 тага етказди. "Шаржа" 23 октябрь куни ўз майдонида "Насаф"ни қабул қилади.
ОЧЛ. "B" гуруҳи, 2-тур
"НАСАФ" - "АС-САДД" - 3:1 (1:0)
Голлар: Суҳроб Нуруллаев (29), Азизбек Омонов (47, 58) — Буалим Хухий (84)
Огоҳлантиришлар: Суҳроб Нуруллоев (42), Ғолиб Ғайбуллаев (50), Жавоҳир Сидиқов (60), Гонсало Хименес Плата (60).
Четлатиш: Акрам Афиф (87)
“Насаф”: 35. Абдувоҳид Неъматов, 5. Ғолиб Ғайбуллаев, 7. Акмал Мозговой, 9. Жавоҳир Сидиқов (70. Жамбули Жигаури, 66), 17. Суҳроб Нуруллоев, 28. Шуҳрат Муҳаммадиев (8. Зафармурод Абдираҳматов, 46), 34. Шерзод Насруллаев, 77. Ойбек Бозоров, 88. Марко Станоевич (18. Баҳром Абдураҳимов, 71), 92. Умарбек Эшмуродов, 99. Азизбек Амонов.
“Ас-Садд”: 22. Мешаал Баршам, 5. Тариқ Салмон, 6. Пауло Сильва Отавио, 7. Муҳаммад Ваад, 9. Юсуф Абдурисаг (11. Бағдод Бунежа, 46), 10. Ҳасан Ал Ҳайдос (8. Али Асад, 61), 15. Булайим Ҳуҳи, 19. Гонсало Хименес Плата, 51. Акром Афиф, 70. Мусааб Хидир (55. Амин Ҳазбави, 46), 88. Андрес Виля Матеус.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
