Хабар бериб ўтганимиздек, 2012 йилги мавсумда "Шўртан" шарафини ҳимоя қилган кот-д'ивуарлик футболчи Таина Адама Соро Белоруснинг "Шахтёр" жамоаси билан шартнома имзолади. Кеча эса футболчи "Прессбол" нашрига интервью берди.
— Нима учун Белорусга қайтишга қарор қилдингиз?
— Боиси, бу ер менга ёқади. Чиройли мамлакат ва инсонлари ажойиб. Шунингдек, турмуш тарзи ҳам Ўзбекистондагидан юқорироқ. Қисқаси, қайтганимдан хурсандман.
— Чемпионатимизни кузатиб бордингизми?
— Албатта, ҳозир интернет орқали ҳамма нарсани осон топса бўлади. Белорусь футболида рўй бераётган воқеаларни кузатиб бордим. "Шахтёр" ҳақида фақат илиқ фикрларни билдиришим мумкин.
— Ўзбекистон чемпионати савияси қандай?
— Агар тўп билан муомала қилиш техникаси нуқтаи назаридан олиб қарайдиган бўлсак, футбол яхши савияда. Фақат у ерда яккакурашлар етишмайди. Ўйинларни ташкил қилиш интизоми борасида Белорусга нисбатан савия пастроқ.
— Фаворитлар сафига қайси жамоалар киради?
— Амалда олтин медаллар учун фақат Тошкентнинг икки жамоаси — "Пахтакор" ва "Бунёдкор" кураш олиб боришди. Лекин уларнинг савияси бошқа жамоаларникига қараганда анча баланд дея олмайман.
— Ўзбекистондаги фаолиятингиз давомида нималар ёдингизда қолади?
— Ош! Жудаям ширин таом! Мевалари ҳам яхши...
— Инсонлари-чи?
— Яхши. Бу борада ҳеч қандай муаммо юзага келмади.
— Шерикларингиз билан қайси тилда суҳбатлашдингиз?
— Рус тилида.
— Ўзбекистонда қандай машҳур футболчилар тўп суришади?
— Жамоамизда нигериялик Патрик Агбо ўйнади... Ривалдо каби юлдузлар ҳозир йўқ.
— Инфратузилма қай даражада?
— Бу борада Белорусда вазият яхшироқ. Ўзбекистонда бу ердагидек стадионлар кўп эмас. "Шўртан"да эса ҳаммаси яхши даражада — база ҳам, стадион ҳам.
— Нима деб ўйлайсиз, белоруслик мутахассис Игорь Круишенко жамоани нима учун тарк этди?
— Саволингизга жавоб бера олмайман.
— "Шўртан"да қайси позицияда ўйнадингиз?
— Таянч ярим ҳимоячи.
— Қизиқ факт: Ўзбекистонда сиз белоруслик футболчи сифатида тўп сурдингиз...
— Ҳа, менда Белорусь паспорти бор. "Шахтёр"да ҳам легионер ҳам ҳисобланмайман.
— Сизни Ўзбекистонда энг яхши легионер деб топишгани ростми?
— Ҳа.
— "Шўртан"нинг асосий таркибида доимий равишда тушган бўлсангизда, атиги битта гол урдингиз...
— Мен 3та гол урдим — 2та чемпионатда, битта Кубокда.
— Сизнинг асосий вазифангиз ҳимояга эътибор қаратиш эдими?
— Албатта, бу позицияда тўп сурадиган футболчининг асосий вазифаси ҳимояга ёрдам бериш, гол уриш эмас.
— "Шахтёр"да ҳам сизни бу позицияда ўйнатишмоқчими?
— Ҳа. Лекин ҳужумга ҳам ёрдам бериш имкони туғилса, бундан ким бош тортади?
— Келаси мавсумда қандай натижа қўлга киритилса, уни муваффақиятли деган бўлардингиз?
— Олтин медалларни қўлга киритишни истайман. Менда Кубок соврини бор — уни МТЗ-РИПО билан қўлга киритганман. Шунингдек, "Минск" билан бронзага ҳам эга бўлганман. Лекин ҳали чемпион бўлмаганман. Европа лигаси борасида эса шундай дейман: сенсацияни юзага келтиришни истаймиз!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
