Ханчжоу-2022, бокс. Абдумалик Ҳалаков филиппинлик олимпиада вице-чемпионини мағлуб этиб, ярим финалга чиқди
Осиё Ўйинларида бокс бўйича эркаклар ўртасидаги 57 кг. вазн тоифасида ҳамюртимиз Абдумалик Ҳалаков чорак финал жангини ўтказди. Унга филиппинлик Карло Паалам рақиблик қилди.
Ҳамюртимиз ўз тактика ва страгетиясига таянган ҳолда рақибини аста-секин ўз услубига торта бошлади. Тажрибали Паалам буни тушунган ҳолда тузоққа тушмасликка уринди, аммо бунинг уддасидан чиқа олмади.
Абдумалик дастлабки икки раундни ўз фойдасига ҳал қилгач, учинчи бўлимни нисбатан хотиржамроқ ўтказди (жароҳат олишнинг олдини олиш мақсадида). Шунга қарамай, ҳамюртимиз сўнгги раундда ҳам рақибга нисбатан кўпроқ зарба берди. Якуний баҳолар — 5:0 (30:27, 30:27, 30:27, 30:27, 30:27).
Шу тариқа, Ҳалаков Осиё Ўйинлари ярим финалига чиқди.
Манба: stadion.uz
Киритилди: 16:45, 03.10.2023. Ўқилди: 2277 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).