Катанец янги тактикасининг ижобий ва салбий томонлари
Ўзбекистон терма жамоаси Хитойга қарши янги ўзлаштирилаётган 3-5-2 тактик схемаси (ҳимояда 5-3-2) остида ўйнади. Ушбу ўйиндан олдин натижа қизиқтирмаслигини айтган Катанец, янги тактика билан ҳам экспериментга қўл урди, ҳам натижага эришди.
Янги тактик схеманинг Хитойга қарши ўйинда кўзга ташланган афзалликлари:
+ Жамоамиз ҳимояланаётганда ҳимоячилар сони 5 тага етди;
+ Майдон марказидаги сон жиҳатдан устунлик эвазига 2-зона бизнинг назоратимизда бўлди;
+ Иккита номинал ҳужумчи ёрдамида рақиб ҳимояси доимий босим остида ушланди.
Аммо янги тактика остида камчиликларимиз ҳам кўзга ташланди:
- Майдон марказидаги ўйинчилар сони оширилиши туфайли қанотларда бўшлиқлар юзага келди;
- Прессингда ярим ҳимоя учлиги майдон марказини тўлиқ ёпишни ҳали бутунлай ўзлаштирмаган. 5-4-1 тактикасида иккита таянч ярим ҳимоячиси ва иккита вингер ҳисобига бу вазифани 4 та ўйинчи бажарарди;
- Ҳужум давомида бир вақтнинг ўзида учта футболчимиз: қанот ҳимоячиси, ярим ҳимоячи ва ҳужумчи битта позицияда йиғилиб, бир-бирига халал берган вазиятлар бўлди.
Хитой ўйин бошидан ҳимояга ётиб олди. Илк ҳужумни голга айлантиргач эса бутун жамоа бўлиб жарима майдони атрофида ҳимояланди. Ҳужумдаги футболчиларимиз сонини ошириш мақсадида, захирадан қўшилган Аббос Файзуллаев деярли 3-ҳужумчи сифатида, таянч ярим ҳимоячиси Отабек Шукуров эса ҳужумчи ортида ҳаракат қила бошлашди.
Ҳаттоки, марказий ҳимоячиларимиз Ҳусниддин Алиқулов ва Абдуқодир Ҳусанов катта таваккалга қўл уриб, ҳужумга тез-тез қўшилиб туришди. Бундай ҳолатларда қарши ҳужумдан 2-голни ўтказиб юборишимиз ҳеч гап эмас эди. Лекин ҳимоячиларимиз бир-бирининг позицияларини ўз вақтида ёпишлари ҳисобига - Хитой қарши ҳужумга қочиб кета олмади.
Хитойга қарши ўйин - ЖЧ-2026 саралашидаги Туркманистонга қарши ўйин олдидан яхши репетиция бўлди. Чунки Туркманистон ҳам Хитойга ўхшаб, бутун жамоа бўлиб ҳимояланади ва ўз омадини қарши ҳужумларда синаб кўради. Бундай "автобус" қўйиб ўйнайдиган жамоаларга гол уриш - очиқ футбол ўйнайдиган Мексикага гол уришдан қийинроқ.
Манба: @SamvelKarlenich
Киритилди: 06:19, 17.10.2023. Ўқилди: 4794 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
