ФИФА расмий сайти Осиё қитъасида бўлиб ўтаётган ЖЧ-2014 саралашининг 4-босқичи ўйинлари ҳақида қисқача таҳлилий мақола эълон қилди.
Япония терма жамоаси ҳозирча мағлубиятга учрамаган ягона жамоа бўлиб турибди. Улар 4та ўйинда ғалаба қозонишди ва битта ўйинда дурангга эришишди ва таъқибчиларидан 8 очкога илгарилаб кетишди.
Ўйин
Австралия - Япония - 1:1. 2012 йил 12 июнь. Брисбан. "Санкорп" стадиони.
Осиё кубоги-2011 финалида ҳам тўқнаш келган ушбу жамоалар ўртасидаги ўйин матч-реванш сифатида эътироф этилганди. Улар саралашнинг 3-турида ўзаро майдонга тушдилар ва ўйинда 1:1 ҳисоби қайд этилди. Ушбу ўйинда 2та футболчининг майдондан четлатилиши, пенальти белгилангани — учрашув драматик руҳда ўтганидан далолат бермоқда. 2та ўйинда ғалаба қозонган ҳолда Брисбанга ташриф буюрган Альберто Заккерони шогирдлари учинчи ғалабага эришиб, ўзларининг мавқеларини янада яхшилашни мақсад қилишганди. Меҳмонлар жуда чиройли ўйин кўрсатиб, 65-дақиқада Курихаранинг голидан кейин ҳисобда олдинга чиқиб олишди.
Австралия эса ўзининг биринчи ўйинида Уммон билан дуранг ўйнаганди. Йўқотадиган ҳеч нарсаси қолмаган Хольгир Озик шогирдлари бир киши кам бўлиб ўйнаётганларига қарамай, олдинги интилишди ва орадан 5 дақиқа ўтиб ҳисобни тенглаштиришди. Люк Уильшир пенальтини аниқ амалга оширди. Қўлга киритилган 1 очко австралияликлар учун қадрли бўлган бўлса, Япония бу дурангдан қониқиш ҳосил қилмади.
Гол
Эрон - Жанубий Корея - 1:0. 2012 йил 16 октябрь. Теҳрон. "Озодий" стадиони. Жавод Некунам (76)
Эрон терма жамоаси сардори Некунам Кореяга қарши ўйинда жамоасининг ягона голига муаллифлик қилиб, 10 киши бўлиб ўйнаётган форсларга муҳим ғалабани келтирганди. Биринчи бўлимда тўп Эрон дарвозаси тўсин ва устунларига 2 марта тегиб, майдон эгаларини голдан сақлаб қолганди. Иккинчи бўлимнинг 56-дақиқасида эса Шожаий майдондан четлатилди. Жавод томонидан киритилган гол эса Эрон халқига жуда катта хурсандчилик тақдим этганди.
Статистика
13 - Япония терма жамоаси рақиблари дарвозасига шунча гол урди. Бу голлар 7 футболчининг номига ёзилган. Рёчи Маеда ҳисобида 5та гол мавжуд.
Иқтибос
"Одамларнинг нималар гапираётгани мени қизиқтирмайди. Мен бирорта ҳам танқидни эшитмайман. Мен жамоа билан ишлаяпман ва улар нималарга қодирлигини яхши биламан. Қайси футболчи ўйинга тайёрлигини ва қайси ўйинчи ўз устида кўпроқ ишлаши кераклиги биламан", деганди Хольгер Озик.
Хулоса
"В" гуруҳида 2-ўрин учун кураш кескин кечади. Япония эса ЖЧ йўлланмасини ҳал қилиш арафасида турибди. Австралия Ироқ ва Уммон каби 5 очкога эга бўлиб турган бўлса-да, уларнинг ҳисобида битта захира ўйини бор. Ўзбекистон эса Қатар ва Эрондан очколар бўйича ўтиб кетган ҳолда, ўз тарихида илк марта ЖЧда иштирок этишга яқин турибди. Иккинчи ўринда бораётган Жанубий Корея ҳисобида ҳам 7 очко бор, аммо улар Эрон ва Қатарга нисбатан 1та ўйин кам ўтказишган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
