Эдди Хау 2021 йилнинг ноябрь ойида ишдан олинаётган Стив Брюс ўрнига олиб келинади. Шундан бери икки йил ўтди. Инглиз мутахассиси "қарғалар" билан катта ўсишга эриша олди. Буни унинг натижаларидан ҳам билиб олиш қийин эмас.
Хау келганида жамоанинг аҳволи оғир, "Ньюкасл" 19 ўринда омон қолиш учун курашаётганди. Мавсум охирига қадар клуб 11 ўрингача кўтарилиб, 2021-22 йилги мавсумни 49 очко билан якунлайди. Аҳвол ўша пайтда қанчалик оғир эканини янада яхшироқ тасаввур қилиш учун статистика келтирамиз. Брюс ноябрда ишдан кетгунига қадар 11 та турда бирорта ғалабага эришмайди. Хау келганидан кейин, дастлабки учта ўйин ҳам ғалабасиз якунланади. АПЛ тарихида ҳеч бир клуб 14 та турда бирорта ғалабага эришмай туриб, турнирда жон сақлаб қола олмаганди. "Ньюкасл" ва Хау бу ишни уддалаган илк ҳамкорларга айланди.
44 ёшли мутахассиснинг натижа қайд этишига, бошида анча вақт кетди. Масалан, у дастлабки 9 та турда фақат 1 та ғалаба қайд этди. У ҳам бўлса, "Бёрнли"га қарши эди. Янги, 2022 йилни "Ньюкасл" шу йўсинда, 19 та турда 11 очко билан, 19 ўринда кутиб олди. Иккинчи давра эса кўп нарсани ўзгартирди. Ўтган мавсумни, айтмаса ҳам бўлади. Айнан Хау "Ньюкасл"ни 20 йил ичида илк бор ЕЧЛга олиб чиқди. Албатта, буларнинг ўзи шунчаки юз бермайди. Клубни яхши томонга ўзгариши, энг аввало, янги раҳбарият билан боғлиқ. Саудияликлар келганидан кейин трансферлар учун катта маблағ ажратила бошланди. Футболчилар маоши ҳам оширилди. Поуп, Триппьер Гимарайнш, Исак каби юлдузлар олиб келинди. Аввалдан жамоада бўлиб келган Жоелинтон, Алмирон ва Шерлар Эдди Хау кўмагида фақат яхши томонга ўзгарди.
Хўш, шунча ишларни амалга ошириб келаётган Эдди Хау жаноблари даврида АПЛ жадвали қандай ўзгарди? Биз қуйида сўнгги икки йилдаги умумий турнир жадвалини тақдим этамиз. Таъкидлаш жоизки, гарчанд дастлабки ўйинларда муваффақият қозона олмаган бўлсада, Эдди Хау бу давр мобайнида "МЮ" ва "Челси"дан яхшироқ натижа қайд этишга эришди.
Қуйида 2 йил ичида АПЛда бўлиб турган 14 та клуб номи келтирилган. Уларнинг ҳаммаси 76 тадан ўйин ўтказган.
1. "Манчестер Сити" – 186 очко
2. "Ливерпуль" – 161 очко
3. "Арсенал" – 157 очко
4. "Тоттенхэм" – 141 очко
5. "Ньюкасл" – 135 очко
6. "МЮ" – 134 очко
7. "Астон Вилла" – 118 очко
8. "Брайтон" – 114 очко
9. "Брентфорд" – 109 очко
10. "Челси" – 107 очко
11. Кристал Пэлас" – 93 очко
12. "Вулвз" – 88 очко
13. "Вест Хэм" – 87 очко
14. "Эвертон" – 71 очко.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
