Эрик тен Хаг жорий мавсумдаги ёмон натижалар сабабли босим остида қолмоқда. Аммо унинг "МЮ"даги умумий натижаси ёмон эмас. Нидерландиялик мутахассис биринчи мавсумни ажойиб равишда ўтказиб, жамоани соврин сари бошлаганди. Шунингдек, айнан у "МЮ"ни Англия кубоги финалига олиб чиқди. Бу натижалар, ўз навбатида тен Хагдан янада кўпроқ нарсалар кутилишига олиб келди. Афсуски, бу кутилмалар ҳозирча ўзини оқлаётгани йўқ. "Фулхэм" ва "Лутон Таун"га қарши эришилган оғир ғалабалар жамоани пастга тушиб кетишдан асраб қолди. Бироқ, ўйин томонлама тен Хаг жамоасини завқли деб бўлмайди. Кубок ва ЕЧЛ доирасидаги баҳслар жамоа учун омадсиз кечаётгани ҳам ҳаммасини кўрсатиб турибди. Натижалар зудлик билан яхшиланиши лозим.
Эрик тен Хаг ҳозирга қадар 50 та АПЛ ўйинида манкунианликларни майдонга бошлаб тушди. Агарда шу даврдаги натижаларга қарайдиган бўлсак, унчалик ҳам ёмон статистикани кўрмаймиз. "МЮ" 50 та ўйин давомида 30 та ғалабага эришди. Бу эса Алекс Фергюсоннинг натижаси билан тенг. 1992/93 йилги ва ундан кейинги мавсумлар "Манчестер Юнайтед" учун чемпионлик билан тугаганини ҳисобга олсак, тен Хаг анча яхши кўрсаткичга эга экани маълум бўлади. Аммо бир томондан, Фергюсон бу давргача аллақачон жамоада 200 та баҳс ўтказганини ҳам унутмаслик керак.
Бугун Эрик тен Хагни АПЛнинг қолган учта энг йирик рақиб клуб мураббийлари билан солиштириб кўрамиз. Улар Англиядаги энг яхши мутахассислар сифатида эътироф этилувчи Пеп Гвардиола, Юрген Клопп ҳамда Микель Артетадир.
Хусусан, тен Хаг ва Гвардиоланинг ўз жамоаларидаги илк 50 та баҳсида фарқ, асосан очколарда. Гвардиола ҳам тен Хаг каби "Ман Сити"даги илк мавсумини 3 ўринда тугатади, аммо 3 очкога кўпроқ жамғарган ҳолда.
Бу борада Клопп билан фарқ жуда кам ва бу нидерландиялик фойдасига. Артетадан эса тен Хагнинг натижалари анчагина яхши. Демак, қуйида аниқ рақамларга эътиборингизни қаратамиз.
Эрик тен Хаг – 50 та баҳс
Ғалаба – 30 та
Дуранг – 6 та
Мағлубият – 14 та
Очко: 96
Голлар: 71 та
Қуруқ ўйинлар: 21 та
Сер Алекс Фергюсон – 50 та баҳс
Ғалаба – 30 та
Дуранг – 13 та
Мағлубият – 7 та
Очко: 103
Голлар: 82 та
Қуруқ ўйинлар: 23 та
Юрген Клопп – 50 та баҳс
Ғалаба – 26 та
Дуранг – 14 та
Мағлубият – 10 та
Очко: 92
Голлар: 103 та
Қуруқ ўйинлар: 14 та
Пеп Гвардиола – 50 та баҳс
Ғалаба – 34 та
Дуранг – 10 та
Мағлубият – 6 та
Очко: 112
Голлар: 119
Қуруқ ўйинлар: 19 та
Микель Артета – 50 та баҳс
Ғалаба – 21 та
Дуранг – 12 та
Мағлубият – 17 та
Очколар: 75
Голлар: 72
Қуруқ ўйинлар: 15 та.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
