Август ойида ЦСКА сафига қўшилган «Пахтакор» тарбияланувчиси Аббос Файзуллаевнинг қисқа вақт ичида Россия футбол жамоатчилиги эътиборини ўзига тортгани - ёқимли ҳолат, албатта.
Мана, «ҳарбийлар» ҳужумларини ташкил этишда жонбозлик кўрсатаётган 20 ёшли легионеримиз РПЛ биринчи давраси кашфиёти сифатида эътироф этилмоқда. Таниқли агент Герман Ткаченконинг кичик интервьюда айтишича, унинг компанияси мижози ҳисобланган ўзбек футболи умидига бошқа жамоалар ҳам даъвогар бўлган экан.
- Тан олиш керак, Файзуллаев трансфери жуда эффектли чиқди...
- Аслида ЦСКА ҳам унинг имкониятига шубҳа билан қараганди. Лекин трансфер учун унча катта бўлмаган маблағ талаб этилгани иккиланишни тарқатиб юборди. Файзуллаевнинг яхши ўйнаб кетгани ЦСКА мураббийлар штабига ҳам боғлиқ. Кўпчилик йигитчанинг ўзини кўрсатишига бир неча йил кетишини тахмин қилганди. Ўзимиз ҳам Файзуллаевга умид боғлаган бўлсакда, барчаси шу қадар тез ривожланишини ўйламагандик. Умуман, бошида йигитчани бошқа клубларга ҳам тавсия этганмиз.
- Қайси клубларга? «Локомотив»гами?
- Йўқ, «Локомотив» вакиллари Аббосни билишарди, лекин трансфери ҳақида оғиз очишмади. Файзуллаевни аввалига Москва «Динамо»сига тавсия қилдик, аммо жавоб олмадик. Апрель ойида ўтказилган ёшлар ўртасидаги Осиё чемпионатида Файзуллаев энг яхши футболчи бўлди. Ўша турнирдан кейин ЦСКА Аббосни кузатиб боришини билдириб, ижара масаласини ҳал этишни сўради. Яна 2та клубнинг жиддий қизиққани бизни бироз қийнаб қўйди ҳам. Булар - «Пари НН» ва «Алания». айтишим керак, «Алания» скаут хизмати жуда яхши ишлайди.
- Файзуллаев қишда ЦСКАдан кетиши мумкинми?
- Йўқ.
- Туркиядан 3-4 миллион евролик таклифлар тушаётгани ҳақида хабарлар тарқалди...
- Ўйлашимча, ЦСКА 3-4 миллионлик таклифларни ўйлаб ҳам кўрмайди. Агар Аббос баҳорда ҳам шундай ўйнашда давом этса, бу сумма уч бараваргача кўтарилади ахир.
Эътироф
- Жорий мавсум РПЛнинг биринчи давраси кашфиёти? Шахсан менга Аббос Файзуллаев ёқди. У чемпионатнинг биринчи қисмида порлаб чиқди. Келажаги порлоқ, жуда ақлли футболчи. Юрий Сёмин (Россия миллий жамоаси собиқ бош мураббийи).
- РПЛ биринчи даврасида ким кўпроқ ҳайратга солди? «Динамо»даги Константин Тюкавин яхши ўйнади. Яна Аббос Файзуллаев. Такрор айтаман, уни «Локомотив»га тавсия қилгандим. Эплай олишмади, бу ўз муаммолари. Хуллас, шу икки футболчини ажратиб кўрсата оламан, холос. Энг муҳими, улар чемпионатнинг иккинчи ярмида ҳам шундай фаол ўйнашлари керак. Файзуллаевни алоҳида эътироф этиш жоиз - яхши даражадаги ижрочи. Барқарор ўйнаяпти, ўзини кўрсатяпти. Агар ЦСКА уни қишда сотишни ўйласа, қанчага баҳолашини билмайман. «Армиячилар» имкон қадар қимматроқ, 10 миллион евродан баланд баҳода сотишлари тарафдориман. Аббос бу суммага лойиқми? Ҳозир жаҳон футболида бу муҳим эмас. Футболчиларга 100 миллионлаб сарфланяпти. Шундан келиб чиқсак, Файзуллаев учун 3-5 миллион евродан кўпроғи яхши баҳо ҳисобланади. Бу орқали ЦСКА пул ишлаб олади, Файзуллаев эса янги босқич ва янада юқори даражага кўтарилади. Андрей Канчельскис («Навбаҳор» собиқ бош мураббийи).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
