Суперлига 26-туридан ўрин олган "Навбаҳор" – "Нефтчи" (1:1) учрашувидан сўнг меҳмонлар бош мураббийи Виталий Левченко ўз фикрларини билдириб ўтди.
“Барча мухлисларни табриклайман. Улар юқори классдаги футбол гувоҳи бўлишди. Қўшимчасига мавсумнинг якунида дерби. Бу дербида кўплаб эмоциялар майдонда ва ҳар иккала жамоа мураббийлар ўтирадиган захира ўриндиғида ҳам шундай ҳолат кузатилди. Ҳақиқий футбол байрами кузатилди, барча қониқди. Ғалабани хоҳлаган бўлсакда, якунда дуранг билан якунига этди. Натижа адолатли бўлди. Биринчи даврадаги ўйинда ҳам дуранг қайд этилганди. Жамоаларни кучлари тенг даражада эканлигини кўрсатиб берди.
Биринчи ўринда шуни айтишим керакки, бу ерда кўп нарса ўйинчини ўзига боғлиқ. Футболчи жамоада ўйнашни истамаса мисол учун «"Нефтчи"»дами Намангандами, уни ушлаб туришдан нима наф бор? Бундай футболчида иштиёқ бўлмайди. Табатадзенинг намангаликликларга кўпроқ фойдаси тегди. "Навбаҳор" чемпионлик учун курашадиган клуб. Жамоа олдига яхши вазифалар қўйилган эди, агар хоҳиш бўлмаса футболчини ушлаб туриш керак эмас. Ўйнашга иштиёқи борми, марҳамат ўйнатамиз. Агар аксинча бўлса уни ушлаб турмаймиз.
Лига клублардаги шароитларни яхшилашга ҳаракат қилиб келяпти. Футбол босқичма-босқич ривожланяпти. Ўзбекистонда футболга бўлган эътибор мени қувонтиряпти. Ўйинга келсак, нимадир ўхшади, нимадир ўхшамади. Биринчи таймда фаолроқ бўлдик ва гол ҳам урдик. Иккинчи бўлимда эса бошқачароқ ҳаракат қилдик. "Навбаҳор"ъда етакчи ўйинчи пайдо бўлди ва барчасини ўз қўлига олди. Биринчи бўлимда Остон Ўрунов ўртада ўйнади. Иккинчи бўлимда эса ўзининг севимли нуқтасига ўтди. У қийин ҳолатга солиб қўйди, деб ўйлайман. Гол ҳам ўтказиб юбордик. Аммо ёмон ўйнамадик.
Адҳамзода учрашувдан аввал шамоллаб қолганди. Дори-уколлар бердик. Аввало, унинг соғлигини ўйладик. Шамоллаб қолгани боис қайдномага киритмадик. Унинг жамоа билан бир йиллик шартномаси бор. Кимдир сотиб олмоқчи бўлса, музокара ўтказишга тайёрмиз.
Энг яхши ўйинларимиз олдинда. Ёмон ўйинларимизни ҳали таҳлил қилиб кўрмадик. Ёмон ўйинларни ҳозирча кенг оммага ошкор қила олмайман.
"Пахтакор"га қарши ёрқин ўйин бўлди, деб ўйлайман. Турнир жадвалидаги юқоридаги клублар билан яхши ўйин кўрсатдик.
"Навбаҳор" Ҳиндистонда мағлубиятга учрамаса кўзлаган мақсадига эришиши мумкин. Жамоанинг имкониятлари юқори. Барчаси ўз қўлида. Сифатли ўйин кўрсатишса, натижа ҳам бўлади”, – деди Левченко.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
