2022 йил октябрь ойида Эндрик Бразилия футболида энг кўп муҳокама қилинган ўсмир эди. Ўшанда 16 ёшда бўлган ҳужумчи ёшлар жамоаларидаги кўп йиллик ажойиб ўйинларидан сўнг чемпион "Палмейрас" сафида дебют қилганди. Ўша ойда у "Атлетико Паранаенсе"га қарши ўйинда дубл қайд этди ва Бразилия А серияси тарихидаги энг ёш тўпурарга айланди.
16 ёшида Эндрик аллақачон машҳур бўлган эди - "Реал Мадрид" уни тахминан бир йил давомида кузатиб борган. “Лос-Бланкос” “Палмейрас” музокарага тайёрлигини билдириши биланоқ ҳаракат қила бошлади. “Реал” Бразилия клубига 40 миллион евро тўлаган. Бу Бразилия чемпиони учун рекорд трансфер ҳисобланади.
Дастлаб Эндрикнинг "Палмейрас"нинг асосий таркибида ўрни йўқ эди. Клубда ёш ҳужумчини асосий таркибдан узоқлаштира олган яна бир қанча тажрибали футболчилар бор эди. Аммо январь ойида Данило ва Густаво Скарпа сотилганидан кейин вазият ўзгарди. Уларнинг кетиши шу тариқа ёш бразилияликга ривожланиш имкониятини берди.
Аммо Эндрик учун ҳаммаси яхши бошланмади. Муаммолар "Реал" билан шартнома тузилганидан сўнг пайдо бўлди. Ҳужумчи узоқ вақт давомида гол ура олмади. "Қироллик клуби"нинг эътиборидан илҳомланган бразилиялик футболчи жамоага кўп нарса беришга ҳаракат қилди, аммо муваффақиятга эриша олмади. Эндрик мавсумнинг дастлабки ўнта ўйинидан саккизтасида майдонга тушиб, гол ура олмади.
Тез орада Эндрик жадал ривожлана бошлади. Голсиз серия 12 ўйинга чўзилди, аммо апрель ўзига хос бурилиш нуқтаси бўлди. Феррейра аста-секин ҳужумчини сафга қайтара бошлади ва у мураббийнинг сабр-тоқатини бир қатор яхши ўйинлари билан тақдирлади. Бразилиялик ўзининг дастлабки тўртта ўйинида 3 та гол урди ва ўзига бўлган ишончни ошира бошлади. Аммо янги муаммолар пайдо бўлди.
Кўп ўтмай, яна голсиз ўйинлар бошланди. Мураббий футболчига яна ишончини йўқота бошлади, ёзда уни 5 марта захирада қолдирди. Бироз вақт ўтгач, футболчида янги имкониятлар пайдо бўлди. Бразилия чемпионатининг амалдаги чемпиони сафида 10 та гол урган ҳужумчи Дуду август ойида тиззасидан жиддий жароҳат олди.
Эндрикда имконият бор эди. Сентябрь ойи бошида у "Коринтианс"га қарши ўйинда майдонга тушди ва жамоасининг ўйинига кучли таъсир ўтказди ва кўплаб имкониятлар яратди.
Октябр ойининг охирига келиб, Эндрикнинг статистикаси ҳайратланарли эди. У барча мусобақаларда 29 ўйинда 6 та гол урди, баъзида қандайдир ёрқинлик кўрсатди, лекин унчалик кучли эмас. Бироқ, ноябрь ойида чемпионлик пойгаси қизиб кета бошлагач, нимадир ўзгарди. Эндрик 10 кун ичида 4 та гол урди, шу жумладан, чемпионлик учун курашда катта рол ўйнаган "Ботафого"га қарши ўйиндаги дубл. Бразилиялик футболчи мавсумнинг энг муҳим ўйинларидан бирида ажойиб ўйнади.
Форма яхшиланганига қарамай, мураббий Фернандо Диниз Эндрикни Бразилия терма жамоасига, айниқса, муҳим жаҳон чемпионати саралаш ўйинлари олдидан чақиргани ажабланарли бўлди. Умуман олганда, у жуда яхши ўтмади. Дебютантга имконият берилди. У Колумбия ва Аргентинага қарши ўйинларда жами 26 дақиқа ҳаракат қилди ва бу ўйинлар мағлубият билан якунланди.
“Палмейрас” чемпионлик унвонини ҳимоя қилди, Эндрик эса тарихга кирди. У Бразилия чемпионатининг сўнгги кунида гол урди ва иккинчи марта чемпионликни қўлга киритди. Ёш форварднинг мавсумнинг сўнгги босқичидаги иштироки жуда муҳим эди: сўнгги олтита ўйинда у 8та гол урди.
Айни дамда, Эндрикга яқин бўлган манбаларга кўра, "Реал" кейинги мавсум учун футболчига тўлиқ ишонч билдирмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
