Биз бу инсонларнинг исмларини яна эшитамиз, аммо 2023 йил давомида улар аллақачон ҳаммани ҳайратда қолдиришга муваффақ бўлишди. Кимдир футбол жамоатчилигига анчадан бери таниш, аммо ўзини янгича кўринишда очиб бера олди. Баъзилари ўзлари учун янги даражага эришмоқдалар. Stadion.uz интернет нашри тез орада футбол чўққиларига чиқишини кутиш мумкин бўлган футболчилар ва мураббийлар ҳақида сўзлаҳда давом этади.
Ёзда "Реал”да кутамиз
Бундан роппа-роса бир йил аввал “Реал Мадрид” бразилиялик вундеркинд Эндрик билан шартнома имзолаганини эълон қилган эди. Қизиғи шундаки, бундан бир неча ой аввал 16 ёшга тўлмаган футболчи ўзининг илк профессионал шартномасини имзолаган ва "Палмейрас" сафида дебют қилганди. Эндрик ёшлар жамоалари сафида 169 та учрашувда 165 та гол урган. Катталар даражасида ҳам ҳамма нарса жуда яхши. Яқинда якунланган Бразилия чемпионатида Эндрик 31 учрашувда 11 та гол урди. Бу натижа янги феноменга Бразилия чемпионига айланган “Палмейрас”нинг энг яхши тўпурарига айланиш имконини берди. Бу ёзда биз Эндрикни "Реал Мадрид" либосида кўрамиз, у Бразилия футболининг янги юлдузи учун 35 миллион евро тўлаган ва бонус сифатида қўшимча 25 миллион евро тўлашга тайёр.
Ажойиб Беллингем
Эндрикнинг янги ҳамкорлар билан ўзаро муносабатларини, хусусан, ўтаётган календар йилининг яна бир кашфиёти билан танишиш қизиқарли бўлади. Жуд Беллингем "Реал Мадрид"га ўтишдан олдин ҳам Бундеслига юлдузларидан бири эди. Бироқ, "қаймоқранглилар" лагерида унинг истеъдоди янада ёрқин ранглар билан порлай бошлади: 21 учрашувда 17 та гол, Чемпионлар лигаси ва Ла Лигада рақиб дарвозасини ишғол қилиш учун 100 дақиқадан сал кўпроқ вақт. 20 ёшли англиялик футболчи жорий мавсумдаги ўйини билан ҳайратда қолдирди. Беллингем ривожланишининг мантиқий натижаси - бир қатор шахсий мукофотлар ва трансфер қийматининг ўтган йили 110 миллион евродан 180 миллион еврога кўтарилиши.
Ўзбек истеъдоди
Ўзбекистон миллий терма жамоаси ярим ҳимоячиси Аббосбек Файзуллаев жорий йилнинг август ойида Москванинг ЦСКА лагерига кўчиб ўтди. Камтарона 750 минг евро ва ёш иқтидорнинг ҳеч бўлмаганда кейинги мавсумда ўзини намоён қила олишига армиячилар жамоаси учун ажойиб натижага айланди, Файзуллаев ҳал қилувчи голларни айнан шу ерда ва ҳозирда ура бошлади. Файзуллаев Россия чемпионатида ўтказилган 13та учрашувда 2та гол урди ва 6та голли узатмани амалга оширди. Унинг қиймати деярли 5 баробардан кўпроқ ошди. Бугун Аббосбек 4 миллион еврога баҳоланмоқда, аммо у ЦСКА сафида атиги олти ой ўйнади. Россия чемпионатида мавсумнинг ҳақиқий кашфиёти.
Алонсо
Албатта, Леверкузеннинг “Байер” клуби бош мураббийи Хаби Алонсони эътиборсиз қолдириб бўлмайди. Мавсумнинг биринчи қисми натижаларига кўра, у "аспиринчилар" жамоасини турнир жадвалида биринчи ўринга олиб чиқишга муваффақ бўлди. Шу билан бирга, Хаби Алонсо ва унинг йигитлари бирорта ҳам мағлубият аламини тотиб кўришмади. "Бавария"нинг гегемонлигини бузиш ва Леверкузен клубига ўз тарихидаги биринчи чемпионлик унвонини келтириш учун барча имкониятлар мавжуд.
Бу йилги мавсум кашфиётлари ҳақида ўз фикрингизни изоҳлард ёзиб қолдиринг.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
