Журналист Қаҳрамон Асланов «Манчестер Юнайтед» клуби томонидан сўнгги бир ярим йил ичида трансфер қилинган футболчиларнинг жорий мавсумдаги ҳолати ва ўйинига изоҳ берди.
1.Мартинес - ҳозирча энг яхши трансфер. Ўтган 14 ойдан 7 ойини ўтказиб юборди. Икки марта жароҳат (икки ой, тўрт ой) туфайли, бир марта жаҳон чемпионатидан кейин формага қайтиш.
2.Маласия - Яхши бошлади, аммо Шоу формага кирганида ўртадаги фарқ сезилди. Ўтган мавсумда атиги 14 ўйинни асосийда бошлади. Бу йил ҳали жароҳатдан тикланмади.
3.Антони - катта суммага олиб келинди, айни дамда апрелдан буён гол уролмади. Ассист ҳам йўқ.
4.Каземиро - топ футболчи. Аммо ёши 30 дан ошган. Ўтган мавсумнинг 16 ўйинини жароҳатлар, дисквалификациялар туфайли ўтказиб юборди. Бу мавсумда уч ой лазаретда.
5.Эриксен - шунчаки, ротация учун олингани маълум, ўтган йили 2 ой, бу мавсум ҳам 2 ой жароҳатда ўтказди.
6.Вергост - ижарага олинди, АПЛда бирортаям гол уролмади. Ишончни оқламагани учун олиб қолинмади.
7.Забитцер - Ижарага келди, ишончни оқлай олмади.
8.Онана - катта суммага олиб келинди. Ҳозирча ишончни оқлай олмади.
9.Маунт - шартномаси бир йил қолган, сўнгги икки йилда деярли ўйнолмаган футболчи учун катта сумма тўланди. АПЛда атиги 4 ўйинда асосийда тушди. Қолган пайт жароҳатда.
10.Амрабат - Фред даражасида ҳам ўйнолмади. Ижарага олинган, қайтиб кетса керак.
11.Хойлунд - катта сумма тўланди. Ҳозирча АПЛда 1 гол.
12.Регилон - қанот ҳимоячилари сафдан чиққач ижарага олинди. Соғ бўлса-да, ўрнига ўнг қанот ўйинчиси Далот чапда ўйнаётганидан келажаги маълум. У ҳам икки ой жароҳатда ўтказди.
13.Эванс - чемпионшипга тушиб кетган «Лестер» янги шартнома бермаган футболчи.
14.Байиндир - Онана шунча хато қилсаям, биргина ўйинга ишонилмайдиган даражадаги иккинчи посбон.
Қарийб икки йил, уч трансфер ойнаси, ўнлаб трансфер, аммо ҳозирдан туриб қаралса, булардан фақат Мартинес, қисман, агар ўйнаб кетишса, Онана ва Хойлунд, келажакда ҳам асосий таркибдан ўрин олиши мумкин. Маунт номаълум. Айни дамда бу футболчиларнинг бирортаси АПЛдаги бирор топ-клубнинг асосий таркибига тортмайди. Нафақат «Арсенал» ё «Сити», ҳатто «Астон Вилла» ёки «Ньюкасл» ҳам бу номларнинг кўпини олмаган бўларди. Ҳозир Англиянинг исталган клубида шундай футболчи борки, Манчестерга келса, ўз позициясида бемалол асосийга айланади. Қани даража? Ахир «МЮ» каби клубга келадиган футболчилар қандайдир минимум талабларга мос келиши керак эмасми?
Даҳшат. Клубда скаутинг бўлими, спорт ишлари бўйича раҳбарлар ўз ишини қилмаса, ҳамма қарорлар пала-партиш, мураббийга ташлаб қўйилса, одатда, мана шундай оқибатга келинади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
