"Ливерпуль" бош мураббийи Юрген Клопп яқиндагина жамоадан кетишини маълум қилган эди. У мавсумни якунлаб, истеъфо берадиган бўлди. Немис мутахассиси саккиз ярим йилдан буён мерсисайдликлар шарафини ҳимоя қилиб келаётган эди. Унинг кейинги манзили терма жамоаларда ишлаш ёки яна бир катта клубни бошқариш бўлиши мумкин.
Клопп ўрнига Хаби Алонсо олиб келиниши тахмин қилинмоқда. Аммо бу ҳали аниқ эмас. Клопп кейинги манзили ҳақида шундай дейди: "На клуб, на терма жамоада ишламоқчиман. Бошқа инглиз клубини бошқариш ниятим ҳам йўқ. Ҳаттоки, ейишга ноним бўлмаса ҳам, бу содир бўлмайди. Камида бир йил дам олмоқчиман".
Қуйида Юрген Клоппнинг эҳтимолий янги манзилини ўрганамиз.
Англия терма жамоаси
Гарет Саутгейтнинг Англия термасидаги сафари қаримоқда. 2024 йилнинг охирида у эркин агентга айланади. Ҳозирга қадар инглиз мутахассиси 3 та йирик турнирда жамоани бошқарди ва ҳеч нарса юта олмади. Саутгейт ўрнига келиш, Клоппга "Ливерпул"га қарши чиқмай, Англияда қолиш имконини беради.
Германия терма жамоаси
Клопп, ваниҳоят, ўзидан кутилган ишни амалга ошириши мумкин. Унга она юрти жамоасини бошқариш ҳам топширилиши ҳеч гап эмас. Германия ФА Ханси Фликни ишдан хайдагач, Клоппни тайинламоқчи эди. Аммо у рози бўлмади. Хуллас, бу вариант ҳам, Клоппга юқори ритмга эга бўлган инглиз ва клуб футболидан узоқлашиш учун имкон беради.
"Реал"
"Реал"нинг мураббий борасидаги муаммоси Анчелоттининг декабрь ойидаги янги шартномаси билан ҳал бўлди. Италиялик мутахассис Бразилия терма жамоасига йўл олиши мумкин эди. Аммо энди ундай бўлмайди. Айни дамда мадридликлар "Жирона"дан ортда қолаётганига қарамай, Анчелоттининг ўрни ҳали мустаҳкам. Агарда мавсум охирида Ла-лига ёки ЕЧЛ ютилмаса, у ҳолда Клопп вариантини кўриб чиқса бўлади.
"Барселона"
"Барселона"да ҳам вазият чалкашроқ бўлиб турибди. Хави босим остида қолган. Гарчанд ўтган мавсумда мамлакат чемпионлиги қўлга киритилган бўлишига қарамай, ҳозир мухлислар янада кўпроғини исташади. Агарда бу мавсум каталонияликлар учун совринсиз якунланса, Хави ишдан кетади. Унинг ўрни эса Клопп билан тўлдирилади.
"Боруссия Дортмунд"
Клопп 2015 йилга қадар 7 йил давомида "Боруссия"ни бошқарган эди. Бу даврда у жамоасини кетма-кет Германия чемпионига айлантириб, ЕЧЛ финалига олиб чиққан. Ҳозирда "Боруссия Дортмунд"га янги ва яхши мураббий керак. Эдин Терзичнинг даражаси эса бунга тўғри келмаяпти. "Арилар" ҳозирда 5 ўринда, "Байер Леверкузен"дан 15 очко ортда бормоқда. Балки Клопп учун эски даврларни эслаш вақти келгандир?
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
