Кеча "Навбаҳор" Тошкентдаги йиғин доирасидан ўрин олган навбатдаги учрашувини ўтказди. Бу галги рақиб - Қозоғистон биринчи лигасида иштирок этувчи жамоа бўлди. Учрашув тўлалигича "лочинлар" учстунлигида ўтди. Ҳисоб ҳам шунга яраша бўлди - 5:0.
Бошланғич таркиб қуйидагича бўлди: Романенко, Почуев, Тоиров, Меҳмонов, Султонов, Жўраев, А.Аҳмедов, Бойдедаев, Баҳриддинов, Султонов, Р.Аҳмедов.
Дастлабки бўлимда Рўзимбой Аҳмедов ҳамда Ғайрат Жўраевлар томонидан киритилган голлар эвазига "лочинлар" 2:0 ҳисобида ғалаба қозонишди.
Захирадан майдонга қуйидаги ўйинчилар тушишди: Мочалов, Ҳайитов, Муҳаммаджонов, Алиев, Исоқов, Абдуллаев, Шуҳратов, Ҳамидов.
Кейинги 45-дақиқаликда вакилларимиздан Собир Ҳамидов дублга эришган бўлса, яна бир голга Даврон Исоқов муаллифлик қилди.
Кеча клуб қароргоҳини Акрам Баҳриддинов тарк этиб, "Қизилқум"га бориб қўшилганди. Лекин Баҳриддинов бугун-эрта билан яна сафга қўшилади. Янги ҳафтадан жамоа таркибидаги ўйинчиларнинг сараги-саракка, пучаги-пучакка чиқарилиб, керакли ўйинчилар клубда қолишади. Эртанги машғулотларга аввалроқ айтиб ўтганимиздек, Асқар Жадигеров қўшилиши мумкин. Баъзи манбалардан олган маълумотларимизга қараганда, Ойбек Қиличев "Навбаҳор"га ижарага берилиши мумкин.
Зоҳидхон ИКРОМОВ тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).