Испания Ла Лигаси бизни "Реал Мадрид"нинг мағлубиятсиз серияси ва "Барселона"нинг ҳалокатли ўйини билан ҳайратда қолдиришда давом этмоқда. Бугун жорий мавсумда чемпионлик учун қайси клубнинг имконияти кўпроқ эканлиги ҳақида фикр юритишга уруниб кўрамиз.
“Атлетико Мадрид”
Бу мавсумда "Атлетико" ўзи учун энг барқарор мавсумни ўтказмаяпти. Бироқ сўнгги пайтларда жамоанинг натижалари бироз яхшиланган, чунки сўнгги олтита учрашувда "матрасчилар" фақат бир марта мағлуб бўлишди. Шунга қарамай, “Атлетико”нинг пешқадам “Реал”дан фарқи 11 очкога етади, шунинг учун Диего Симеоне шогирдларининг кубокни ютиш эҳтимоли минимал.
Ғалаба қозониш эҳтимоли: 5%
“Барселона”
Охирги ўйинда "Барселона" сафарда "Сельта" устидан зўрға ғалаба қозонди (2:1), бир ҳафта олдин эса ўз майдонида Ла Лиганинг сўнгги жамоаси "Гранада"ни мағлуб эта олмади (3:3). Албатта, "кўк-анорранглилар" мунтазам равишда очко тўплашга ҳаракат қилишади, лекин шу билан бирга, Хави шогирдлари мунтазам равишда гол ўтказиб юборишади ва рақибларига ўз дарвозаси олдида кўп имконият беришади. Яқинда испаниялик мутахассис мавсум якунланганидан сўнг "Барселона"ни тарк этишини эълон қилди ва бу қарорга ҳеч нарса таъсир қила олмаслигини таъкидлади. "Барселона"нинг бу мавсумда олтин ютиш имконияти жуда паст, чунки Карло Анчелоттининг "Реал"и каталонияликларга яқинлашишга имкон бермай, ўз йўлидаги барчани йўқ қилмоқда.
Ғалаба қозониш эҳтимоли: 10%
"Жирона"
"Жирона" бу мавсумда ҳақиқий кашфиётга айланди. Жамоа узоқ вақт давомида Испания чемпионати турнир жадвалида пешқадамлик қилди ва чемпионлик учун курашда жиддий фаворит ҳисобланар эди. Аммо у "Реал Мадрид" ҳужумига доц. бера олмади, унга қарши ўйинда 0:4 ҳисобида мағлуб бўлди ва бошқа куни "Атлетик" билан ўйинда ҳам ютқазиб қўйди.
Ғалаба қозониш эҳтимоли: 20%
"Реал Мадрид”
Кўпгина мутахассислар ўтган мавсум омадсиз ўтгандан сўнг "Реал Мадрид"нинг қайта тикланишига ишонишмади, бироқ инглиз олмоси Жуд Беллингем келиши билан жамоанинг ўйини сезиларли даражада яхшиланди. Ярим ҳимоячи шу заҳотиёқ "Реал" ҳужумлари етакчисига айланди ва айни дамда Испания чемпионатининг энг яхши тўпурари бўлиб турибди. 25 турдан сўнг "Реал" иккинчи ўриндаги "Жирона"дан 6 очко олдинда ва катта эҳтимол билан орадаги фарқ фақат ўсиб боради, чунки бу мавсумда Анчелотти шогирдлари бор-йўғи бир марта мағлуб бўлишди ва ҳозир мағлубиятсиз 19 учрашувдан иборат серияни давом эттиришмоқда.
Ғалаба қозониш эҳтимоли: 65%
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
