"Анжи" ярим ҳимоячиси Одил Аҳмедов Россия чемпионати бошланиши олдидан "Спорт Экспресс" газетасига интервью берди.
— БААдаги якуний йиғин қандай ўтди?
— Асосан тўп билан ишлаган ҳолда "Ньюкасл"га қарши ўйинга тайёргарлик кўрдик. Одатда мавсумолди йиғинларида бериладиган юкламалар бу сафар бўлмади.
— Илиқ Дубайдан кейин совуқ Москвага келиш унчалик ёқимли бўлмаса керак а?
— Албатта, ташқарида унчалик футбол ҳавоси эмас, аммо бунақаси ҳам бўлиб туради. Масалан, Испанияда идеал шароитларда тайёргарлик кўрдик, аммо "Ганновер" билан жавоб ўйинида қор ёғди. Ҳар қандай об-ҳаво шароитига тайёр туриш керак — майдонга чиқиш ва ўйнаш керак.
— "Анжи" кўпгина Россия жамоалари каби янги мавсумга тайёргарликни январь ойининг ўртасида бошлади. Жамоа яхши формага кириб олдими?
— Албатта. Икки ой давомида расмий ўйинларни соғиниб қолдик. Чемпионатнинг дастлабки ўйинига қадар биз 3та расмий ўйин ўтказишга улгурган бўламиз. "Ганновер"га қарши ўйинларда формани тиклаб бораётганмиз кўзга ташланди. Шундан кейин ҳолатимизни янада яхшиладик. Немис клуби биз учун жиддий синов вазифасини ўтаб берди. Бундеслигада кучсиз жамоа йўқ — "Ганновер" ҳам яхши таассурот қолдирди. Биринчи навбатда тезкор қарши ҳужумлари ва ақлли тактикаси билан. Шунга қарамай, ғалаба қозонганимиз ёқимли.
— Немисларга қарши ўйинда гол уриб, ғалабага улкан ҳисса қўшдингиз. Биринчи ўйинда урган голингиз ҳал қилувчи аҳамиятга эга бўлди...
— Тўпни дарвозага йўллаш ҳар доим ёқимли. Ушбу гол Европа лигасининг кейинги босқичига чиқиш учун ёрдам бериши эса икки баравар хурсандчилик беради. Боз устига, биринчи расмий ўйинни ҳар доим яхши ўтказиш биз учун муҳим. Бу одатда ишонч туйғусини беради.
— "Анжи" йилнинг дастлабки ўйинларида янги тактик схема остида ўйнади, яъни 3 нафар таянч ярим ҳимоячилари билан. Тўғрими?
— Аслида бу тактика янги эмас. Ўтган йили ҳам баъзи ўйинларда бундай схемада ўйнагандик. Шунинг учун футболчилар учун ҳеч қандай янгиликка дуч келишмади. Тактикани ҳар қандай ҳолатда мураббий аниқлайди. Агар у керакли натижага эришишга ёрдам берса ва ишқибозлар ёрқин ўйин кўришса, майдонда нечта таянч ярим ҳимоячи ўйнашининг аҳамияти йўқ — уч, икки ёки бир нафар.
— Жамоага келиб қўшилган янги футболчилардан нимадир янги нарса ўргандингизми? "Анжи"нниг дастлабки ўйинларида Виллиан ва Ешенко ўйнади, Россия чемпионатида Спахич дебют қилиши кутилмоқда.
— Спахични Россияда анчадан бери яхши билишади. Шунингдек, Россия терма жамоаси аъзоси Ешенко ҳақида ҳам худди шу гапни айтиш мумкин. Виллиан бекорга уни "Челси" қўлга киритишни истамаганини исботламоқда.
— Дарвоқе, Англиянинг "Арсенал" клуби сиз билан қизиқаётгани ҳақида кўп ёзишди. Англия чемпионатини кузатиб борсангиз керак а?
— Албатта. Умуман олганда, мен кўпгина хориж чемпионатлари — Испания, Италия, Германия лигаларини кузатиб бораман. Испания ва Англия — мен учун энг қизиқарли мусобақалар.
— Демак, "Ньюкасл" ҳақида тасаввурга эгасиз?
— Ушбу мавсумда бу жамоанинг бир нечта ўйинларини кўрдим. Яхши жамоа. Айниқса футболчиларининг жисмоний тайёргарлиги борасида яхши таассурот қолдирди.
— "Қарғалар" ўзларининг асосий юлдузи — Демба Бани "Челси"га сотишди. Боз устига, улар ҳозир мусобақа жадвалининг 15-поғонасида боришмоқда. Шунинг учун Россияда кўпчилик бу жуфтликда "Анжи"ни фаворит дейишга улгурди. Сиз бу фикрга қўшиласизми?
— Футболда ҳамма нарса бўлиши мумкин. Ким "Рубин"нинг Мадридда "Атлетико" устидан ғалаба қозонишини кутганди? Шунга қарамай, шундай бўлиб чиқди ва қозонликлар Европа лигасининг кейинги босқичига чиқишди. Шунинг учун "Ньюкасл"га қарши жиддий тайёргарлик кўряпмиз. Бу жиддий рақиб ва фақат ғалабани кўзлаяпмиз.
Андрей Кузичев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
