Nordic Sky - Швеция футбол агентлиги бўлиб, у футболчилар ва футболга манфаатдор томонларга маслаҳат беради. 1999 йилда ташкил топганидан бери компания ўз қадриятлари ва тамойилларига доимо содиқ қолган дунёга машҳур агентликка айланди.
Nordic Skyда футболчилар футболда муваффақиятли мартабага эга бўлишлари учун зарур бўлган йўл-йўриқ ва тажрибага эга бўлишади.
Скандинавиядаги энг тажрибали агентлик
Nordic Sky нафақат футболчи учун клуб топишга ёрдам беради, балки футболчини бутун футболчилик фаолияти давомида бошқариб, ривожлантиришга тайёр.
Компания нима қилади:
Ўйинчиларга шартнома бўйича музокаралар олиб бориш ёки бошқа клубга ўтишда ёрдам беради.
Компаниянинг ўз скаутлар жамоаси мавжуд бўлиб, бу футбол клубларига янги иқтидорларни топиш имконини беради.
Юридик ва молиявий маслаҳат.
Футболчиларга индивидуал тайёргарликда ёрдам беради. Мураббийлар ўз мижозларининг футбол майдонидаги ҳаракатларини кузатиб боради ва уларнинг ривожланишига ёрдам беради. Жисмоний тайёргарликни яхшилайди ва овқатланиш рационига ёрдам беради.
Албатта, компания жисмоний қобилиятлардан ташқари, ақлий компонентни ҳам унутмайди. Зеро, футболчиларнинг ақлий қобилиятлари, фикрлари ва ҳис-туйғуларини кузатиш ҳам керак бўлади.
Nordic Sky шунингдек, футболчиларнинг шахсий брендини ривожлантиришга ёки ҳомийлар билан фойдали таклифларни излашга ёрдам беради.
Қизиқарли факт. Компаниянинг агентларидан бири Вадим Демидовдир. Норвегиялик инсон асли рус миллатига мансуб. У уч ёшида Норвегияга кўчиб ўтган ва футболчи сифатида “Реал Сосьедад”, “Айнтрахт Франкфурт”, “Анжи” каби клубларда тўп тепган.
"Улар бошиданоқ менга ишонишди ва карьерамни шакллантиришда муҳим роль ўйнашди" - деди Виллиот Сведберг – "Сельта" ярим ҳимоячиси.
"Менга яқин бўлган ишончли спорт агентлигига эга бўлиш менга ўз ишимга яхши эътибор қаратишимга имкон беради: қаттиқ машқ қилиш ва футбол майдонида ўзимни кўрсатиш" - деди ёзда "Тоттенхэм"га ўтган Лукас Бергвалл.
Айни пайтда Nordic Sky билан 241 нафар футболчи ҳамкорлик қилади, улардан 106 нафари олий лигада ўйнайди. Ҳозирда энг машҳур мижоз - Мартин Эдегор, аммо илгари компания Себастьян Ларссон, Кристоффер Олссон, Жон Гудетти ва бошқа кўплаб скандинавия футболчилари учун катта футболга йўл берган.
Nordic Sky билан боғлиқ барча ўйинчиларнинг қиймати 205,2 миллион еврони ташкил этади (сумманинг деярли ярми Эдегорнинг қийматидир).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
