Карло Анчелотти "Реал Мадрид" билан ўзининг 12-кубогини қўлга киритди. Италиялик мураббий бу кўрсаткич бўйича Зинедин Зиданни (11 соврин) ортда қолдириб, яққол иккинчи ўринга чиқиб олди. Энг яхши натижа 1970-1984 йилларда "Реал Мадрид" мураббийи сифатида 14 марта боши узра турли кубокларни кўтарган Мигель Мунёсга тегишли.
Карло Анчелоттининг "Реал Мадрид"даги барча совринлари:
Чемпионлар лигаси (2): 2013/2014, 2021/2022;
Ла Лига (2): 2021/2022, 2023/2024;
Қирол кубоги (2): 2013/2014, 2022/2023;
Испания Суперкубоги (2): 2022, 2024;
УEФА Суперкубоги (2): 2014, 2022;
Клублар ўртасидаги жаҳон чемпионати (2): 2014, 2022.
Анчелотти 2013 йилдан 2015 йилгача Мадрид клубида ишлаган. Бу даврда италиялик тўртта совринни қўлга киритди, гарчи ўшанда у Испания чемпиони бўлмади. Бошқа томондан, Карло ўз номини "Реал Мадрид" тарихига абадий ёзиб қолдирди. Айнан у клубни "десима"га олиб келди - Чемпионлар Лигасидаги 10-ғалаба ва 12 йил ичида биринчи. Анчелотти 2015 йилда "Реал Мадрид" билан бир йил давомида бирорта соврин юта олмаганидан сўнг жамоани тарк этганди.
Анчелотти 6 йилдан сўнг "Реал"га қайтди. Бу вақт ичида у "Бавария", "Наполи" ва "Эвертон"да ишлаган. Аммо бу даврни ижобий деб аташ қийин. Карло немис клубини Чемпионлар лигасидаи ғалабага олиб бормади, "Наполи" ва "Эвертон" билан у ҳеч қандай соврин ютмади. Мюнхенда Франк Рибери ва Роберт Левандовски билан тушунмовчилик бўлди, Неаполда футболчилар тартибсизликлар уюштиришди, "Эвертон"нинг баъзи футболчилари жамоада бирдамлик йўқлигидан шикоят қилишди.
Мадридга қайтишдан олдин Анчелотти Ливерпул клуби билан Премmер-лигада 10-ўринни эгаллади. "Реал Мадрид" ўтмиши шонли, аммо сўнгги йилларда шубҳали бўлган мураббийга ишонди. Кимдир Карло энди Европанинг топ-клублари билан ишлашга тайёр эмас деб ўйлаши мумкин эди. Кейин эса Анчелотти "Реал"ни иккинчи марта тарк этган Зиданнинг ўрнига ишга олинади. Перес ўша "десима"дан атиги 12 ой ўтиб ишдан бўшатган мураббийни қайтариб олди.
The Athletic хабарига кўра, Зидан кетганидан кейин Анчелотти "Реал"нинг биринчи танлови бўлмаган. Матбуотда Антонио Конте, Маурисио Почеттино, Массимилиано Аллегри ва ҳатто клуб афсонаси Рауль ҳам пайдо бўлди. Натижада Аллегри “Ювентус”га қайтди ва Конте ҳамиша назорат ва шартномалар имзолаш борасида юқори талабларни қўйган. Переснинг кучини ва клубнинг ўша пайтдаги оғир молиявий аҳволини тушуниб, бунга ишониш қийин эди.
2013 йилда Карло Жозе Моуриньо қўл остидаги клубнинг кийиниш хонасига тинчлик олиб келди. Италиялик билан биринчи мавсумида “Реал” 10-марта Чемпионлар лигасида ғолиб чиқди.
Бир йил ўтиб Перес Анчелоттини ишдан бўшатди ва бу қарор кўплаб мухлислар, мутахассислар ва жамоанинг баъзи футболчиларига ёқмади. Масалан, Рамос, Криштиану Роналду, Лука Модрич ва Марсело италияликнинг клубда қолиши тарафдори эди. Анчелотти ишдан бўшатилганидан бир ҳафта ўтиб "Реал Мадрид" Рафаэль Бенитесни таништирди, аммо бу тайинланиш яхши нарсага олиб келмади. Анчелоттининг ўзи Переснинг қарори юзасидан ҳеч қандай норозилик ҳис қилмаганини айтди. "Бу шахсий нарса эмас, бу бизнес", деди Анчелотти.
Зидан иккинчи марта кетганидан сўнг, мадридликлар "лойиҳа" мураббийининг пайдо бўлишига умид қилишган. Ёш футболчиларни тарбиялашда аниқ тактик режа ва тажрибага эга бўлган шахс келади, деб ўйлашган. Айнан шу сабабдан Конте ва Почеттино даъвогарлар қаторидан жой олди, аммо якунда на биринчи, на иккинчиси Испания пойтахтига етиб бормади.
AS хабарига кўра, Анчелотти "Реал" билан музокаралар чоғида қўшимча шартлар қўймаган. Улар фавқулодда ҳолатга айланди. Шанба куни тушда бошланган ва душанба куни тугаган.
Италиялик қайтганидан кейинги биринчи мавсумда "Реал" Чемпионлар лигасини олиб, Испания чемпионига айланди.
2023 йилда агар клуб муҳим совринни қўлга киритмаса, "Реал" Анчелоттини истеъфога чиқариши мумкинлиги ҳақида маълумот пайдо бўлди. Бир йил аввал Чемпионлар лигасида ғолиб чиққан мураббийни ишдан бўшатиш керакми? Сизга ҳеч нарсани эслатмаяптими? Ишдан бўшатиш амалга ошмади ва "Реал" Испания кубогини қўлга киритди. Энди Анчелотти иккинчи марта мамлакат чемпионига айланди ва унинг жамоаси ҳамон Чемпионлар лигасида навбатдаги ғалабага қараб кетяпти. Қизиқ, агар Перес 3 йил олдин бошқа мураббий тайинлаганида "Реал Мадрид"нинг натижалари қандай бўларди?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Олимпик
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
