«Сеонгнам» мағлубиятга учради
Жанубий Корея Кей-лигасида навбатдаги тур ўйинлари бўлиб ўтди. Кечаги ўйинларда “Поханг Стилерс” ўз уйида “Инчхон Юнайтед” билан 1:1 ҳисобида дуранг қайд этган бўлса, “Сувон” – “Тегу” ўйинида 3:1 ҳисобида сувонликлар устун келишди.
Ўтган йилги чемпион “Сеул” ўз уйида “Улсан Хёнде” билан ғалабани қўлдан чиқазган ҳолда, 2:2 ҳисобидаги дурангга рози бўлди ва ғалабасиз серияларини давом эттиришди. ОЧЛда Кей-лига шарафини химоя қилаётган “Чонбук” эса қийинчилик билан бўлса-да “Жежу Юнайтед”ни 2:1 ҳисобида мағуб эта олди. Бугун давом этган тур ўйинларида “Тежон” – “Кёнгнам” 1:1, “Кангвон” – “Чоннам” 1:1 ҳисоблари қайд этилди.
Биз учун аҳамиятлиси терма жамоамиз сардори Сервер Жепаров тўп сураётган “Сеонгнам Илва Чунма” клуби бугун “Бусан” меҳмони бўлди ва ҳимоячиларнинг қўпол хатолари эвазига аламли тарзда 0:2 ҳисобида мағлуб бўлди. Ушбу ўйинда бош мураббий Ан Ик Су ҳамюртимизни ўйиннинг 52-дақиқасида Ли Хён Хонинг ўрнига майдонга туширди.
Отабек Йўлдошев, Жанубий Корея, Сеул.
Киритилди: 19:58, 07.04.2013. Ўқилди: 6519 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).