Ўзбекистон U-16 ўсмирлар терма жамоаси бош мураббийи Темур Олимхўжаев, ўз шогирдларининг саралаш баҳсларидан муваффақиятли ўтиб, келаси йили Таиландда бўлиб ўтадиган U-16 ўсмирлар ўртасидаги Осиё чемпионати финал босқичига йўлланма олишига умид билдирди.
Хабарингиз бор, 26 апрель куни келаси йили Таиланд мамлакатида бўлиб ўтадиган ўсмирлар ўртасидаги (U-16) Осиё чемпионати саралашига қуръа ташланди. Унга кўра Ўзбекистон ўсмирлар терма жамоаси (U-16) саралашнинг «В» гуруҳида Фаластин, Яман ҳамда Мальдив ороллари ўсмирларига қарши баҳс олиб боради. «В» гуруҳи ўйинларига эса, Ўзбекистон мезбонлик қилади. Ўзбекистон ўсмирлар терма жамоаси бош мураббийи Темур Олимхўжаев бу ёшда барча терма жамоаларнинг савияси деярли бир хил бўлишини таъкидлади.
«Бу ёшда кучсиз рақибнинг ўзи бўлмайди. Барчаси рақибга нисбатан қандай таёргарлик кўрилганига боғлиқ. Рақиб Япония бўладими, Мальдив ороллари термасими, аҳамияти йўқ. Асосийси, уларга қарши яхши ва мукаммал тайёргарликка эга бўлиш», - дейди Темур Олимхўжаев ЎФФ матбуот хизмати билан сухбатда. «Асосий мақсадимиз, саралаш баҳсларидан муваффақиятли ўтиб, келаси йили Таиландда бўлиб ўтадиган ўсмирлар ўртасидаги Осиё чемпионати йўлланмасини қўлга киритиш. Ундан кейин эса, Осиё чемпионатида ҳам муваффақиятли иштирок этиб, жаҳон чемпионати йўлланмасига эга чиқишни ният қилганмиз», дея қўшимча қилди Ўзбекистон ўсмирлар терма жамоаси устози.
«20-26 апрель кунлари Тошкентдаги Чиғатой ўқув базасида терма жамоанинг навбатдаги йиғинини ўтказдик. Айни пайтда май ойининг сўнггида Озарбайжон пойтахти Боку шаҳрида ҳар йили анъанавий тарзда ўтказилаётган «Каспий Кубоги» турнирига тайёргарлик жараёни бошланди. Бу орада халқаро тажриба тўплаш мақсадида ҳориж терма жамоалари билан ўртоқлик учрашувларини ташкил этиш режаси бор. Бу борада ЎФФ Терма жамоалар маркази ҳозирда Европа ва Осиё қитъасидаги терма жамоалар билан музокаралар бошлаган. Шуни ҳам таъкидламоқчи эдимки, «Каспий Кубоги» баҳсларида терма жамоа ўзидан бир ёш катта бўлган футболчилар билан ўйнайди. Бундан мақсад, ёш футболчиларнинг маҳоратини ошириш ва оз бўлсада тажриба орттириш. Бундай ўйинлар терма жамоадаги футболчиларга яхши мактаб ва тажриба бўлиши мумкин. Қолаверса, турнирда терма жамоага номзод бўлган кўплаб футболчиларни синаб кўриш имконияти бор», - дейди Темур Олимхўжаев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
