Суперлигада 24-тур якунланди. "Андижон" жамоаси бу тур ўз майдонида "Қизилқум" клубини қабул қилди ва 0:0 ҳисобида дуранг ўйнади. Беллашувдан сўнг жамоа бош мураббийи Александр Хомяков матбуот анжуманида иштирок этди.
- Баҳс иккала жамоа учун ҳам муҳим эди. Бу учрашувдаги ғалаба кўп нарсани ҳал қиларди ва турнир жадвалида юқорига кўтарилиш имконини берарди. Шунинг учун ўйин оғир ўтди. Биргина хато ҳаммасини ҳал қилар эди. Рақиб жамоа тартибли ҳимояланди, қарши ҳужумлардан фойдаланди. Биринчи бўлимда иккита голли вазият бўлди, яхши ҳимоялангани учун биз ҳеч нарса қила олмадик. Учрашув охирида ҳужумда ўйнадик. Лекин голсиз баҳс бўлди. Ҳимояда ҳам эътиборли ҳаракатландик. Иккита вазият бўлди, гол ўтказиб юборишимиз мумкин эди. Менимча, дуранг адолатли натижа.
- Захирадан майдонга тушганлар ўйинни қанчалик кучайтира олдилар?
- Қанотларда фаоллик етишмади. Ўртадан ҳужум қилиш хавфли эди. Икки зонада креативлик етишмади. Ўз ўйинларимизни ташкил қилиш учун футболчи алмаштирилиши кучайтира олди, дея олмайман. Захирадагилардан фойдаланган ҳолда вазиятдан чиқишни ният қилгандик. Уларга бу учрашув жуда муҳим эканлигини уқтиргандим. Бироқ ҳужумга ҳеч нарса қўша олмадик.
- Мавсум якунланиб боряпти. Андижон эса очко йўқотишда давом этяпти. Бу раҳбариятга, мураббийларга ва футболчиларга қандай таъсир кўрсатяпти?
- Албатта, бу вазият ҳаммани ташвишга солмоқда. Иккинчи даврада бор йўғи 7 очко жамғардик. Фақатгина битта ғалаба қозондик. Вазият ташвишга солмоқда, мухлислар, раҳбарият ва бизда ҳам шундай ҳолат. Ҳаракат қиляпмиз, ҳозирча ўхшамаяпти.
- Анчадан бери бошланғич таркибда ўйнамаётган Лука Згурский нима учун бугун асосий таркибда майдонга туширилди?
- Рақиб жамоа 3 марказий ҳимоячи билан ўйнашни таклиф қилди. Бўйдор ҳимоячилар. Згурскийга бундай ҳолатда ҳужумда фаолроқ ўйнаши учун кўрсатма бердик. Иккинчи сабаб, у машғулотлар жараёнида ўзини кўрсата олди. Унинг бўйдорлиги, ҳимоячиларга босим ўтказа олишини инобатга олиб, асосий таркибда ишонч билдирдик. Менимча, у ёмон ўйнамади. Тўғри, ҳужумчи гол уриши керак. Аммо уни ўйинига эътирозим йўқ.
- "Нефтчи" бош мураббийи Виталий Левченко келаси йили "Андижон" мураббийлар штабидан жой олади, деган миш-мишлар юрибди. Бу қанчалик ҳақиқат?
Мендан сўраяпсизми? Менга бериладиган савол эмас. Бу тушунарли, натижа қониқтирмаяпти. Мавсум тугашини кутамиз. Раҳбарият қандай қарор қилади?! Левченко ҳақида биринчи марта эшитиб турибман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
