Юксак савияли футболчини эркин агент сифатида ўз таркибига қўшиб олиш, кейин унинг трансфер қийматини ошириш учун зийраклик талаб этилади.
«Нерадзурри» шундай фазилатга эга жамоа - молиявий муаммолар туфайли харидларга катта маблағ сарфлай олмайди ва асосий эътиборини эркин агентлар бозорига қаратади. Шартнома муддати тугаб қолган топ-ўйинчи топилса, раҳбарият дарҳол ишга киришади ва ўша футболчининг жамоаси билан музокара бошлайди. «Наполи»да зерикиб қолган польшалик Пётр Зелиньскини «Нерадзурри» шу йўсинда харид қилди. Ундан аввалроқ Маркус Тюрам илиб олинганди - «Боруссия Мёнхенгладбах» билан хайрлашган франциялик ҳужумчи Миланга йўл олганди.
Лекин Маркуснинг Италия грандида амалга оширган сакраши муҳимроқ. «Боруссия»дан у шунчаки, яхши оиладан чиққан ва 2022|23 йиллар мавсумида Германия-даги энг яхши (30та ўйинда 13та гол ва 6та ассист) натижага эришган маҳоратли футболчи мақомида йўл олганди. «Интер»да у барчага ибрат бўладиган плеймейкерга айланди ва ҳужумчи Лаутаро Мартинес билан тил топишиб олди. Ўтган мавсумда янги жамоасига «А» Серияда 26 (13}13) балл тортиқ этган француз, жорий мавсумда рекорд сари интилмоқда - 15та ўйинда 11та гол ва 6та ассист. Тюрам ўзининг сўнгги аниқ зарбасини Римда, «Лацио»га қарши фантастик баҳснинг (6:0) 90-дақиқасида амалга оширди.
«Интер» Маркусни текинга ўз сафига қўшиб олди, лекин унинг трансфер қийматини 32 млн. евродан 60 млн.га кўтариб қўйди.
«Нерадзурри» ҳанузгача ЕЧЛда фаворит бўлишмади
2028 йилгача мўлжалланган келишув, юксак кўрсаткичлар, етакчилик мақоми - клуб учун Тюрам билан хайрлашишдан ҳеч қандай наф йўқ. Бироқ Маркуснинг ўзи ўйлаб кўриши лозим. «Интер» «А» Серияда топ даражасига кўтарилиб олди, Скудеттони қўлга киритиш имконияти катта. Айниқса, «Юве»даги қайта қуриш, «Милан»даги инқироз ва бошқа даъвогарлардаги беқарорликни инобатга олганда.
Лекин ЕЧЛда чўққи забт этилгани йўқ. Энг нуфузли еврокубок турнирида «Нерадзурри» фақат 2022|23 йиллар мавсумида жамоа финалгача етиб борганди. Бироқ кейинги мавсумда бўлиб ўтган «Атлетико»га қарши баҳс «Интер» айнан шу босқичда муаммоларга дуч келишини исботлади.
«Энг зўр» - «яхши»нинг душмани» ибораси бежиз эмас. Топ-клубни бошқасига алмаштирган футболчи ҳеч нарсасиз қолиши мумкин. Лекин Тюрамга бўлган талаб жуда кучли - уни қишда ўз сафига қўшиб олиш ниятидагилар етарли. ЕЧЛда ғолиб чиқишни истаган жамоа ундан фойдаланиши шарт.
«Реал» еврокубоклар кафили эди - Мбаппе билан ҳаммаси ўзгарди
Ҳа, айнан сўнгги йиллардаги «Қироллик клуби» ЕЧЛда ғалабага кафолат бера оладиган жамоа бўлиб қолди. Охирги 3 мавсумда 2та, охирги 8 мавсумда 5та финал ва ҳаммасида ғалаба. Рақиби «Юве»ми, «Атлетико» ёки «Боруссия Д.»ми, фарқи йўқ. Қўшимчасига, қўмондонлик тизгини жамоа руҳиятини мукаммал ҳис этадиган Карло Анчелотти қўлида.
Фақат ҳозир «Реал» ўта беқарор даврни бошдан кечирмоқда. Бирданига бир неча нохуш воқеалар рўй берди. Мбаппенинг таркибга қўшилиши кутилганидек мадридликлар учун ўта оғир синовга айланиб қолди. Килиан эса бутун жамоа унинг атрофида саф тортишини хуш кўрадиган футболчи. Битта харид бутун бир жамоани остин-устун қилиб юборди. Тўғри, сўнгги пайтларда ишлар юришиб кетди - етакчилар жонланиб қолишди, натижалар кела бошлади.
Бундан ташқари, клуб мутасаддилари олдида мураббийни алмаштириш вазифаси ҳам кутмоқда. Анчелотти Мадридда узоқ вақт меҳнат қилди. Ҳозир қайта қуриш жараёни ниҳоясига етмоқда, жамоа мустаҳкам негизга эга, остонада навқирон ва иззатталаб Хаби Алонсо кутмоқда. Флорентино Перес каби, «Карло ота» ҳам ишни чўзмаслик кераклигини яхши тушуниб турибди. Мазкур ўзгаришлар яқин келажакда нималарга олиб келиши маълум эмас.
«Барса» порлоқ келажак ва Левандовскига ўринбосарни орзу қилади
Каталонияликлар мавсумни ажойиб старт билан бошладилар - Флик футболига ишонган ҳолда рақибларини янчиб ташладилар. Ўша босқичда Роберт Левандовски иккинчи навқиронлигига қайтди, Ямал ва Рафинья ундан ортда қолмасликка интилишди. Лекин польшалик фахрийнинг ҳолати ўйинида яққол сезилиб турди - 36 ёшли ҳужумчи юксак спорт формасини сақлаб қолишга қийналмоқда, унга ўриндош топиш лозим.
Тюрам - олдинги чизиқдаги универсал ижрочи - ҳужумни ўзи самарали якунлаши ёки жамоадошини қулай вазиятга олиб чиқиши мумкин. Ўта ҳужумкор «Барселона» учун бу муҳим аҳамиятга эга.
Бундан ташқари, Маркуснинг отаси Лилиан Тюрам 2 йил Каталония гранди шарафини ҳимоя қилган. Агар кичик Тюрам ҳам келадиган бўлса, отадан мерос бўлмиш шонли тарихга янги саҳифаларни битиб, иккинчи авлод қаҳрамони бўлади.
«Ливерпул»да тўпурар бор, лекин чинакам топ-ҳужумчи йўқ
Мерсисайдликлар Слот раҳбарлигида янада ёрқин ўйин кўрсатишмоқда ва турнир жадвалини бошқариб боришмоқда. Жароҳатлар гирдобига тушиб қолган «Арсенал» аста-секин ўз ўйинини топиб олди, «Манчестер Сити» ҳанузгача ўзини тиклай олмаяпти, «Челси»га эса тажриба камлик қилмоқда, «қизиллар» шахдам қадамлар билан шоҳсупага интилишмоқда.
Бироқ бу жамоада муаммолар йўқ, дегани эмас. Айниқса, олдинги чизиқда. Мавсум стартида мураббий соғ-лом Нуньесдан фойдаланиш ўрнига, Диогу Жота ёки Луис Диасни майдонга туширгани бунга мисол бўла олади. Жота ва Диас - вингерлар. Муаммо Дарвиннинг самарадор эмаслигида. Уругвайлик футболчи ҳужумни якунлаш вазифасини уддалай олмаяпти. Натижада бу юмушни ўз зиммасига олган Муҳаммад Салоҳ ҳозир 15та гол билан АПЛ тўпурарлари рўйхатида пешқадамлик қилмоқда. Диас ҳисобига 7та, Жота ҳисобида 3та гол бор.
Шуни алоҳида таъкидлаш жоизки, «қизиллар»нинг якуний босқичдаги ҳолати Салоҳнинг спорт формаси билан боғлиқ. Фирмино ва Мане билан Муҳаммад ҳужумкор триони ташкил этишганди. Ҳозир «Ливерпул»га шундай ҳамжиҳатликда тўп сурадиган ҳужумчи керак. Тюрамнинг жуда мос эканлигини ҳатто Юрген Клопп ҳам яхши биларди.
Нима бўлганда ҳам, энг муҳими, «Интер»нинг розилигини олиш. Чемпион совринни қўлга киритишда салмоқли ҳисса қўшган футболчини қўйиб юбориши жуда қийин.
С.РАҲМОНОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
