Испания Суперкубоги финал учрашуви якунланди. Соврин учун Мадриднинг «Реал» ва Каталониянинг «Барселона» жамоалари ўзаро майдонга чиқишди.
Ўйин Саудия Арабистонининг Жидда шаҳридаги «Қирол Абдуллоҳ Спортс Сити» нейтрал майдонида ўтказилди. Учрашувга Хесус Хил Мансано бошчилигидаги ҳакамлар бригадаси хизмат қилди. «Барселона» «Реал»ни 5:2 ҳисобида тор-мор этди.
Учрашувнинг бешинчи дақиқасида «Реал» ҳужумчиси Килиан Мбаппе ҳисобни очди, унга Винисиус Жуниор ассистентлик қилди. «Барселона»нинг жавоб голини 22-дақиқада Ламин Ямал урди, унга Роберт Левандовски пас берди.
36-дақиқада Камавинга ўз жарима майдони ичида қоидабузарлик ишлатгани учун ҳакам ВАР ёрдамида "Реал" дарвозасига пенальти белгилади. Левандовски пенальтини аниқ амалга оширди. Орадан 3 дақиқа ўтиб, Рафинья бош билан зарба бериб, «кўк-анорранглилар»нинг устунлигини оширди. 45+10-дақиқада каталонияликлар қарши ҳужумда рақибни яна бир марта жазолашди: ҳимоячи Алекс Бальде ҳисобни янада оширди — 1:4.
48-дақиқада Рафинья учрашувда дубль қайд этди. 57-дақиқада «Барселона» дарвозабони Войцех Щенсни қизил карточка олиб майдондан четлатилди. Ушбу вазият учун белгиланган жарима зарбасини Родриго голга айлантирди — 2:5.
"Мадрид" ярим соатдан кўпроқ вақт давомида бир киши кўп бўлиб ўйнаганига қарамай, қолган дақиқаларда рақиб дарвозасига йўл топа олмади.
«Барселона» Испания Суперкубоги тарихида энг кўп соврин қўлга киритган жамоа ҳисобланади. «Кўк-анорранглилар» 14-марта Суперкубокка эга чиқишди. Иккинчи ўринда «Реал» – 12 марта.
Испания суперкубоги, финал.
Реал Мадрид – Барселона 2:5 (1:4, 1:1)
Голлар: 1:0 – 5 Мбаппе, 1:1 – 22 Ямаль, 1:2 – 36, пенальти Левандовски, 1:3 – 39 Рафинья, 1:4 – 45+10 Бальде, 1:5 – 48 Рафинья, 2:5 – 60 Родриго.
Реал Мадрид – Куртуа, Менди (Фран Гарсия, 75), Рюдигер, Тчуамени (Модрич, 64), Васкес (Асенсио, 52), Камавинга (Себальос, 46), Вальверде, Беллингем, Винисиус Жуниор (Браим Диас, 76), Родриго, Мбаппе.
Барселона – Шченсни, Бальде, Мартинес (Араухо, 28), Кубарси, Кунде, Педри, Касадо, Гави (Пенья, 59), Рафинья (Ферран Торрес, 79), Левандовски, Ямаль (Ольмо, 59).
Огоҳлантиришлар: Камавинга (35), Мартинес (45+8), Рюдигер (53), Винисиус Жуниор (55), Тчуамени (62), Асенсио (77), Левандовски (77), Араухо (87), Рафинья (89).
Четлатиш: Шченсни (56).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
