Ispaniya Superkubogi final uchrashuvi yakunlandi. Sovrin uchun Madridning «Real» va Kataloniyaning «Barselona» jamoalari o‘zaro maydonga chiqishdi.
O‘yin Saudiya Arabistonining Jidda shahridagi «Qirol Abdulloh Sports Siti» neytral maydonida o‘tkazildi. Uchrashuvga Xesus Xil Mansano boshchiligidagi hakamlar brigadasi xizmat qildi. «Barselona» «Real»ni 5:2 hisobida tor-mor etdi.
Uchrashuvning beshinchi daqiqasida «Real» hujumchisi Kilian Mbappe hisobni ochdi, unga Vinisius Junior assistentlik qildi. «Barselona»ning javob golini 22-daqiqada Lamin Yamal urdi, unga Robert Levandovski pas berdi.
36-daqiqada Kamavinga o‘z jarima maydoni ichida qoidabuzarlik ishlatgani uchun hakam VAR yordamida "Real" darvozasiga penalti belgiladi. Levandovski penaltini aniq amalga oshirdi. Oradan 3 daqiqa o‘tib, Rafinya bosh bilan zarba berib, «ko‘k-anorranglilar»ning ustunligini oshirdi. 45+10-daqiqada kataloniyaliklar qarshi hujumda raqibni yana bir marta jazolashdi: himoyachi Aleks Balde hisobni yanada oshirdi — 1:4.
48-daqiqada Rafinya uchrashuvda dubl qayd etdi. 57-daqiqada «Barselona» darvozaboni Voysex Shensni qizil kartochka olib maydondan chetlatildi. Ushbu vaziyat uchun belgilangan jarima zarbasini Rodrigo golga aylantirdi — 2:5.
"Madrid" yarim soatdan ko‘proq vaqt davomida bir kishi ko‘p bo‘lib o‘ynaganiga qaramay, qolgan daqiqalarda raqib darvozasiga yo‘l topa olmadi.
«Barselona» Ispaniya Superkubogi tarixida eng ko‘p sovrin qo‘lga kiritgan jamoa hisoblanadi. «Ko‘k-anorranglilar» 14-marta Superkubokka ega chiqishdi. Ikkinchi o‘rinda «Real» – 12 marta.
Ispaniya superkubogi, final.
Real Madrid – Barselona 2:5 (1:4, 1:1)
Gollar: 1:0 – 5 Mbappe, 1:1 – 22 Yamal, 1:2 – 36, penalti Levandovski, 1:3 – 39 Rafinya, 1:4 – 45+10 Balde, 1:5 – 48 Rafinya, 2:5 – 60 Rodrigo.
Real Madrid – Kurtua, Mendi (Fran Garsiya, 75), Ryudiger, Tchuameni (Modrich, 64), Vaskes (Asensio, 52), Kamavinga (Sebalyos, 46), Valverde, Bellingem, Vinisius Junior (Braim Dias, 76), Rodrigo, Mbappe.
Barselona – Shchensni, Balde, Martines (Arauxo, 28), Kubarsi, Kunde, Pedri, Kasado, Gavi (Penya, 59), Rafinya (Ferran Torres, 79), Levandovski, Yamal (Olmo, 59).
Ogohlantirishlar: Kamavinga (35), Martines (45+8), Ryudiger (53), Vinisius Junior (55), Tchuameni (62), Asensio (77), Levandovski (77), Arauxo (87), Rafinya (89).
Chetlatish: Shchensni (56).
Sho‘rtan
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
